କ୍ୱାରେଣ୍ଟାଇନରୁ ଗଲା ପରେ ବି ପ୍ରବାସୀଙ୍କୁ ମିଳିନି ସହାୟତା

(ରଜନୀକାନ୍ତ ପାତ୍ର/ହିଞ୍ଜିଳି): ଗଞ୍ଜାମ ଜିଲ୍ଲା ବେଗୁନିଆପଡା ବ୍ଲକ ଅନ୍ତର୍ଗତ ଫାଶୀ ପଂଚାୟତରେ ପ୍ରବାସୀଙ୍କୁ ଏଯାଏ ମିଳିନି ସହାୟତା। ଲକଡାଉନ ସମୟରେ ବାହାର ରାଜ୍ୟରୁ ଫେରିଥିବା ଶ୍ରମିକଙ୍କ ପାଇଁ ରାଜ୍ୟ ସରକାର ୨ ହଜାର ଟଙ୍କା  ସହାୟତା ଘୋଷଣା କରିଥିଲେ । କ୍ୱାରେଣ୍ଟଇନରୁ ଗଲା ପରେ ସେମାନଙ୍କୁ ଏହା ମିଳିବ ବୋଲି କୁହାଯାଇଥିଲା। କ୍ୱାରେଣ୍ଟଇନ ସରି ୨ ମାସ ବିତି ଯାଇଥିଲେ ବି ଏଯାଏ ମିଳୁନି ଟଙ୍କା। ଏହାକୁ ନେଇ ଆଜି ଶତାଧିକ ପ୍ରବାସୀ ଫାସି ପଂଚାୟତ କାର୍ୟ୍ୟାଳୟ ଘେରିଥିଲେ । ଶେଷରେ କୋଦଳା ତହସିଲଦାର ଆସି ଲୋକଙ୍କୁ ଆସନ୍ତା ବୁଧବାର ସୁଧା ଟଙ୍କା ମିଳିବାର ପ୍ରତିଶୃତି ଦେବା ପରେ ସେମାନେ ଆନ୍ଦୋଳନରୁ ହଟିଛନ୍ତି। ଯଦି ଅର୍ଥ ନ ମିଳେ ତେବେ ପୁଣି ଥରେ ଆନ୍ଦୋଳନ କରିବେ ବୋଲି ଗ୍ରାମବାସୀମାନେ ଚେତାବନୀ ଦେଇଛନ୍ତି।