ଭୁବନେଶ୍ୱର: ଜୁଲାଇ ଦ୍ୱିତୀୟ ସପ୍ତାହ ଆଡକୁ ରାଜ୍ୟରେ କରୋନା ସଂକ୍ରମଣ କମିପାରେ । ଦେଶର ଅନ୍ୟ ରାଜ୍ୟରେ ସଂକ୍ରମଣ କମିଛି। ସେହି ଧାରାରେ ଓଡ଼ିଶାରେ ବି କମିପାରେ ସଂକ୍ରମଣ ବୋଲି ଆଜି ସୂଚନା ଦେଇଛନ୍ତି ସ୍ୱାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର। ରାଜ୍ୟରେ କରୋନା ସଂକ୍ରମଣ ବ୍ୟାପୁଥିଲେ ମଧ୍ୟ ବ୍ଲାକ ଫଙ୍ଗସ ସଂକ୍ରମଣ ନାହିଁ । ଆମେ ଆତଙ୍କିତ ହେବାନାହିଁ ବୋଲି ମହାପାତ୍ର କହିଛନ୍ତି। ସେ ଆହୁରି କହିଛନ୍ତି, ବି କାଟାଗୋରୀ ଜିଲ୍ଲାରେ ପରିବେଶ ଜନିତ ସଂକ୍ରମଣ ଥିଲେ ଏହା ବ୍ୟାପିବ। ଅମାନିଆଙ୍କୁ ନିୟନ୍ତ୍ରଣ କରିବାକୁ ପ୍ରଶାସନକୁ କଠୋର ହୋଇଛନ୍ତି । ଟୀକାକରଣକୁ ଗୁରୁତ୍ୱ ଦିଆଯାଉଥିଲେ ମଧ୍ୟ ଆବଶ୍ୟକ ମୁତାବକ ଟୀକା ନ ଆସିବାରୁ ଟୀକାକରଣ ହୋଇପାରୁ ନାହିଁ ।
ସେହିପରି ଡିଏମ୍ଇଟି ଡାକ୍ତର ସିବିକେ ମହାନ୍ତି କହିଛନ୍ତି ଡେଲ୍ଟା ପ୍ଲସ ଅଧିକ ସଂକ୍ରାମକ ନୁହେଁ ବୋଲି । ମାର୍ଚ୍ଚ ମାସରୁ ଡେଲ୍ଟା ପ୍ଲସ ଭାରିଏଣ୍ଟ ଚିହ୍ନଟ ହେଲାଣି। ଯଦି ସଂକ୍ରାମକ ହେଉଥାନ୍ତା ତେବେ ଆକ୍ରାନ୍ତ ସଂଖ୍ୟ।। ବୃଦ୍ଧି ପାଇଥାନ୍ତା । ତେଣୁ ତୃତୀୟ ଲହରକୁ ନେଇ ନିଶ୍ଚିତତା ନାହିଁ । ତୃତୀୟ ଲହର ଆସିବ କି ନାହିଁ କହି ହେବନି। ଦ୍ୱିତୀୟ ଲହର ପ୍ରକୋପ କମିଲେ ସୁଦ୍ଧା ଦ୍ରୁତ ଗତିରେ କମିନି। ଜୁଲାଇ ମଧ୍ୟ ବେଳକୁ ସ୍ଥିତି ନିୟନ୍ତ୍ରଣକୁ ଆସିଯିବ।
