ପୁଲିସ ଗୁଳିରେ ଦୁଇ ଗ୍ୟାଙ୍ଗଷ୍ଟାରଙ୍କ ମୃତ୍ୟୁ

(ନୂଆଦିଲ୍ଲୀ) ; ଦୁଇ କୁଖ୍ୟାତ ଗ୍ୟାଙ୍ଗଷ୍ଟାରକୁ ଗୁଳି କଲା ପୁଲିସ । ଏହି ଘଟଣା ଘଟିଛି ଦିଲ୍ଲୀର ଖଜୁରି ଅଞ୍ଚଳରେ । ପୁଲିସର ଏନକାଉଣ୍ଟରରେ ଦୁଇ ଗ୍ୟାଙ୍ଗଷ୍ଟାରଙ୍କ ମୃତ୍ୟୁ ହୋଇଛି । ଏବଂ ସେମାନଙ୍କ ପାଖରୁ ୨ଟି ପିସ୍ତଲ , ୪ଟି ମାଗାଜିନ୍ , ୧୫ ରାଉଣ୍ଡ ଗୁଳି ଜବତ କରାଯାଇଥିବା ବେଳେ ସେମାନେ ଦୁଇ ଜଣ ବହୁ ହତ୍ୟା ଏବଂ ଡକାୟତି ମାମଲାରେ ଜଡ଼ିତ ଥିଲେ । ପୁଲିସ କହିବା ଅନୁସାରେ ଦୁଇ ଅପରାଧି ହେଲେ ଅମିର ଖାନ ଏବଂ ରାଜ ମାନ । ଅପରାଧୀଙ୍କ ଗୁଳିରେ ପୋଲିସ କନେଷ୍ଟବଳ ସଚିନ ଖୋକର ଏବଂ ଲଳିତ ତୋମାର ଆହତ ହୋଇଛନ୍ତି। ଗୁଇନ୍ଦା ସୂଚନା ପାଇବା ପରେ ପୋଲିସ ସେମାନଙ୍କୁ ଧରିବାକୁ ଜାଲ ବିଛାଇଥିଲା। କିନ୍ତୁ ସେମାନେ ଖସିଯିବା ପାଇଁ ପୋଲିସ ଉପରକୁ ଗୁଳି କରିଥିଲେ । ଏଥିରୁ ନିଜକୁ ରକ୍ଷା କରିବାକୁ ଯାଇ ପୋଲିସ ମଧ୍ୟ ଗୁଳି ଚଳାଇଥିଲା । ଏଥିରେ ଦୁଇ ଅପରାଧୀ ଅମିର ଖାନ ଏବଂ ରାଜ ମାନ ନିହତ ହୋଇଛନ୍ତି ବୋଲି ଦିଲ୍ଲୀ ପୋଲିସ ପକ୍ଷରୁ କୁହାଯାଇଛି। ସୂଚନା ଅନୁଯାୟି ଗୁରୁବାର ଭୋର ସମୟରେ ଏହି ଏନକାଉଣ୍ଟର ହୋଇଥିଲା । ଘଟଣା ସ୍ଥଳରେ ପୁଲିସ ପହଞ୍ଚିବାପରେ ପୂରା କଲୋନିକୁ ବୋମା ମାଡ଼ କରି ଉଡ଼ାଇବାକୁ ଧମକ ଦେବା ସହ ୧୫ ପରିବାରକୁ ନିଜ କବ୍ଜାରେ ରଖିଥିଲେ ବୋଲି ପୋଲିସ କହିଛନ୍ତି।