କଟକ: ବୃଦ୍ଧ ପିତା ମାତାଙ୍କୁ ନିର୍ଯାତନା ଦେଉଥିବା ସନ୍ତାନଙ୍କୁ ସେମାନଙ୍କ ଘରେ ରହିବାର ଅଧିକାର ନାହିଁ ଏପରି ଏକ ଐତିହାସିକ ରାୟ ଦେଇଛନ୍ତି ଓଡିଶା ହାଇକୋର୍ଟ । ଏକ ମାମଲାର ଶୁଣାଣି ଅବସରରେ କୋର୍ଟ ଏହି ରାୟ ଦେଇଛନ୍ତି ।
ଭୁବନେଶ୍ୱର ଗଣ୍ଡମୁଣ୍ଡାର ଜଣେ ବ୍ୟକ୍ତି ୨୩୯୫ ସ୍କୋୟାର ଫୁଟର ଏକ ୨ ମହଲା ଘର କରିଥିଲେ । ବ୍ୟକ୍ତିଙ୍କର ଦୁଇ ପୁଅ ଓ ବୋହୂ ସେମାନଙ୍କ ସହ ରହୁଥିଲେ । କିନ୍ତୁ ସାନ ପୁଅ ଓ ବୋହୂ ବୁଢାବୁଢୀଙ୍କୁ ନାନା ନିର୍ଯାତନା ଦେଇ ଆସୁଥିଲେ । ଘରକୁ ପୁଅ ବୋହୂଙ୍କ ନାମରେ କରିବାକୁ ଚାପ ପକାଇଆସୁଥିଲେ । ଏହାକୁ ନେଇ ଥାନାରେ ଏକ ମାମଲା ହୋଇଥିଲା । କିନ୍ତୁ ପୁଲିସର ନିସ୍କ୍ରୀୟତା ପାଇଁ ବୃଦ୍ଧ ବାପା ମା କୋର୍ଟଙ୍କ ଦ୍ୱାରସ୍ଥ ହୋଇଥିଲେ । କୋର୍ଟ ମାମଲାର ଶୁଣାଣି କରି ସାନ ପୁଅ ଓ ବୋହୂଙ୍କୁ ୩ ସପ୍ତାହ ମଧ୍ୟରେ ଘର ଛ।।ଡିବାକୁ ଆଦେଶ ଦେଇଛନ୍ତି ।
