(କେଉଁଝର) : ଯୋଡ଼ାରେ ୧୪୪ ଧାରା। କେନ୍ଦୁଝର ଜିଲ୍ଲା ଯୋଡ଼ାରେ ଜାରି ହୋଇଛି ୧୪୪ ଧାରା। କାଲି ସନ୍ଧ୍ୟା ସାଢ଼େ ୫ଟାରୁ ଆଜି ସକାଳ ୬ଟା ପର୍ଯ୍ୟନ୍ତ ୧୪୪ ଧାରା ଜାରି ହୋଇଥିଲା ।
ଉକ୍ତ ସମୟରେ ଗେଦେରିଂ ନହେବାକୁ ପରାମର୍ଶ ଦିଆଯାଇଥିବା ବେଳେ ରାମନବମୀ ଉପଲକ୍ଷେ ଯୋଡ଼ାରେ ଆଖଡା ଶୋଭାଯାତ୍ରା ବାହାରିଥିଲା। ଶୋଭାଯାତ୍ରାରେ ଯୋଗ ଦେଇଥିବା ଲୋକମାନେ ଝଣ୍ଡା ଧରି ୪ ନମ୍ୱର ୱାର୍ଡରେ ଥିବା ଶିବ ମନ୍ଦିରକୁ ଯିବା ପାଇଁ ଚାହୁଁଥିଲେ। କିନ୍ତୁ ପୁଲିସ୍ ଯିବାକୁ ଅନୁମତି ଦେଇନଥିଲା।
ଆଜି ସକାଳେ ପୁଣି ଥରେ ୫ ଜଣ ଯୁବକ ଝଣ୍ଡା ଧରି ମନ୍ଦିରକୁ ଯିବାକୁ ବାହାରିଥିଲେ। ପୁଲିସ ସେମାନଙ୍କୁ ବାରଣ କରିଥିଲା। ଯାହାଫଳରେ ଉତ୍ତେଜନା ପ୍ରକାଶ ପାଇଥିଲା। ଫଳରେ ପ୍ରବଳ ଟେକା ପଥର ଓ କାଚ ବୋତଲ ମାଡ଼ ହୋଇଥିଲା। ଘଟଣାରେ କିଛି ବ୍ୟକ୍ତି ଆହତ ହୋଇଥିବା ଜଣାପଡ଼ିଛି।
