କଟକ : କଟକ ମେୟର ସୁବାସ ସିଂଙ୍କ କୁଶପୁତ୍ତଳିକା ଦାହ କରିଲେ ନବରଙ୍ଗପୁର ଜିଲ୍ଲା କଂଗ୍ରେସ। କାମ କର ନଚେତ ମାଲକାନଗିରି ବଦଳି ହୁଅ । ମହାନଗର ନିଗମ କର୍ମଚାରୀଙ୍କୁ କଟକ ନୂତନ ମେୟର ସୁବାସ ସିଂଙ୍କ ମନ୍ତ୍ୟବ୍ୟ ବର୍ତ୍ତମାନ ବିବାଦ ବଢ଼ିବାରେ ଲାଗିଛି । ମାଲକାନିଗିରିକୁ କଳାପାଣି ଭଳି ତୁଳନା କରାଯିବା କୁ ଦୃଢ଼ ନିନ୍ଦା କରିଛି ନବରଙ୍ଗପୁର ଜିଲ୍ଲା କଂଗ୍ରେସ । ଏହା ଅବିଭକ୍ତ କୋରାପୁଟ ଜିଲ୍ଲା ପ୍ରତି ଏକ ଅପମାନ ବୋଲି କହିଛି ଜିଲ୍ଲା କଂଗ୍ରେସ । ଏନେଇ ଆଜି ମେୟର ସୁବାସ ସିଂଙ୍କ ନବରଙ୍ଗପୁର ଜିଲ୍ଲା କଂଗ୍ରେସ କାର୍ଯ୍ୟାଳୟ ସମ୍ମୁଖରେ କୁଶପୁତ୍ତଳିକା ଦାହ କରି ଦୃଢ଼ ପ୍ରତିବାଦ ଜଣାଇଛି । ଜିଲ୍ଲା ସଭାପତି ମୁନ୍ନା ତ୍ରିପାଠୀଙ୍କ ନେତୃତ୍ୱ ରେ କଂଗ୍ରେସ କର୍ମୀ ମାନେ ଜାତୀୟ ରାଜପଥ ରେ ସୁବାସ ସିଂ ଙ୍କ କୁଶ ପୁତ୍ତଳିକା ଦାହ କରିଛି ।ମେୟରଙ୍କ ର ଏଭଳି ହୀନ ମାନସିକତା ପାଇଁ ଆମେ ଅନୁମାନ କରୁଛୁ ତାଙ୍କ ମସ୍ତିଷ୍କ ବିକୃତ ହେଲାଣି, ଯଦି ଠିକ ଅଛି ଏ ମାଟି ମାକୁ ନିନ୍ଦା କରିବା ପାଇଁ ସର୍ବ ସମ୍ମୁଖରେ ରାଜ କ୍ଷମା ଆବେଦନ କରନ୍ତୁ। ଯଦି ଏ କାମ ନ କରନ୍ତି ତାହେଲେ ଆସନ୍ତା ଦିନରେ ସୁବାସ ସିଂ ଙ୍କୁ ଅବିଭକ୍ତ କୋରାପୁଟ ଜିଲ୍ଲା କୁ ପୁରାଇ ଦିଆ ଯିବନି ବୋଲି ଜିଲ୍ଲା କଂଗ୍ରେସ ସଭାପତି ମୁନା ତ୍ରିପାଠୀ ଚେତାବନୀ ଦେଇଛନ୍ତି।
