ନୂଆଦିଲ୍ଲୀ: ଚଳିତ ଆଇପିଏଲ୍ରେ ଦ୍ୱିତୀୟ କ୍ୱାଲିଫାୟର ମ୍ୟାଚରେ ରାଜସ୍ଥାନ ରୟାଲ୍ସ ଏବଂ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର (RR ବନାମ RCB) ମଧ୍ୟରେ ଖେଳାଯିବ |ନରେନ୍ଦ୍ର ମୋଦି ଷ୍ଟାଡିୟମ୍ରେ ରାଜସ୍ଥାନ ରୟାଲ୍ସ ଓ ରୟାଲ୍ ଚ୍ୟାଲେଞ୍ଜର୍ସ ବାଙ୍ଗାଲୋର ପରସ୍ପରକୁ ଭେଟିବେ । ଏହି ମ୍ୟାଚ୍ର ବିଜେତା ଫାଇନାଲ୍କୁ ଉନ୍ନୀତ ହେବ । ପରାଜିତ ଦଳ ତୃତୀୟ ସ୍ଥାନରେ ରହି ଅଭିଯାନ ଶେଷ କରିବ । ରାଜସ୍ଥାନ ଦଳ କ୍ୱାଲିଫାୟରରେ ଗୁଜୁରାଟ ଟାଇଟାନ୍ସ ବିପକ୍ଷରେ ୭ ୱିକେଟ୍ ହରାଇଥିଲା।
ଅନ୍ୟପଟେ ବାଙ୍ଗାଲୋର ଏଲିମିନେଟରରେ ସୁପର ଜାଏଣ୍ଟସକୁ ୧୪ ରନରେ ପରାସ୍ତ କରିଛି | ଏହି ମ୍ୟାଚ୍ ଜିତିଥିବା ଦଳ ୨୯ ମଇରେ ଗୁଜରାଟ ଟାଇଟାନ୍ସ ବିପକ୍ଷରେ ଟାଇଟଲ୍ ମ୍ୟାଚ୍ ଖେଳିବ | ବାଙ୍ଗାଲୋର ଶେଷ ଥର ପାଇଁ ୨୦୧୬ରେ କ୍ୱାଲିଫାୟର୍-୨ ମ୍ୟାଚ ଖେଳିଥିଲା, ଯେଉଁଥିରେ ଦଳ ଗୁଜୁରାଟ ଲାୟନ୍ସ ବିପକ୍ଷରେ ଜିତିଥିଲା |ରାଜସ୍ଥାନ ୨୦୧୩ରେ କ୍ୱାଲିଫାୟର୍-୨ ଖେଳି ମୁମ୍ବାଇ ଇଣ୍ଡିଆନ୍ସକୁ ହରାଇଥିଲା |
ରୟାଲ୍ ଚ୍ୟାଲେଞ୍ଜର୍ସ ପ୍ରଥମ କ୍ୱାଲିଫାୟର ମୁକାବିଲାରେ ଗୁଜରାଟ ଟାଇଟନ୍ସ ଠାରୁ ୫ୱିକେଟ୍ରେ ପରାଜିତ ହୋଇଥିଲା । ଅନ୍ୟପଟେ ରୟାଲ୍ ଚ୍ୟାଲେଞ୍ଜର୍ସ ଏଲିମିନେଟର ମୁକାବିଲାରେ ଲକ୍ଷ୍ନୌ ସୁପରଜାଏଣ୍ଟ୍ସକୁ ରନ୍ରେ ହରାଇଥିଲା । ଡୁ ପ୍ଲେସି ବାହିନୀକୁ ଫାଇନାଲ୍ରେ ପ୍ରବେଶ କରିବାକୁ ହେଲେ ଦମଦାର ପ୍ରଦର୍ଶନ କରିବାକୁ ପଡ଼ିବ ।
ଅନ୍ୟପକ୍ଷେ ରୟାଲ୍ ଚ୍ୟାଲେଞ୍ଜର୍ସର ବୋଲିଂ ବିଭାଗ ବେଶ ଶକ୍ତିଶାଳୀ ରହିଛି । ଜୋସ ହାଜେଲଉଡ୍, ମହମ୍ମଦ ସିରାଜ, ହର୍ଷଲ ପଟେଲ ଓ ହସରଙ୍ଗାର ଘାତକ ସାବ୍ୟସ୍ତ ହେବେ । ଲିଗ୍ ପର୍ଯ୍ୟାୟରେ ଉଭୟ ଦଳ ପରସ୍ପରକୁ ୨ଥର ଭେଟିଥିଲେ । ପ୍ରଥମ ମ୍ୟାଚ୍ରେ ରୟାଲ୍ ଚ୍ୟାଲେଞ୍ଜର୍ସ ୪ ୱିକେଟ୍ରେ ବିଜୟୀ ହୋଇଥିଲା। ଦ୍ୱିତୀୟ ମୁକାବିଲାରେ ରୟାଲ୍ସ ୨୯ ରନ୍ରେ ଜିତିଥିଲା । ତେବେ ମ୍ୟାଚ୍କୁ ନେଇ ପୂର୍ବାନୁମାନ କରିବା କଷ୍ଟକର । ବୋଲରମାନେ ମ୍ୟାଚ୍ ଫଳାଫଳ ନିର୍ଣ୍ଣୟ କରିବା ଆଶା କରାଯାଉଛି । ଶ୍ରେଷ୍ଠ ବୋଲିଂ ପ୍ରଦର୍ଶନ କରିବା ଦଳ ଫାଇନାଲ୍ରେ ପ୍ରବେଶ କରିବ ।
