ବଦଳିଲା ଆଇଏସ୍ ଦାୟିତ୍ୱ

ଭୁବନେଶ୍ୱେର :ଆଇଏସ୍ ସ୍ତରରେ ବଡ ଧରଣର ଅଦଳବଦଳ କରା ଯାଇଛି । ଗତକାଲି ବିଭିନ୍ନ ନିଗମର ଅଧକ୍ଷ୍ୟ ଓ ଉପଦେଷ୍ଟାମାନଙ୍କୁ ନିଯୁକ୍ତି ଦିଆଯାଇଥିବା ବେଳେ ଆଜି ପ୍ରଶାସନିକ ସ୍ତରରେ ଅଦଳବଦଳ କରାଯାଇଛି । ନୟାଗଡ ଜିଲ୍ଲାପାଳ ଭାବେ ରବିନ୍ଦ୍ର ନାଥ ସାହୁଙ୍କୁ ବଦଳି କରାଯାଇଥିବା ବେଳେ ଓଡିଶା ଷ୍ଟେଟ ମେଡିକାଲ କର୍ପୋରେସନ ଏମ୍ଡି ଭାବେ ଡ. ପେମା ଟୁଡୁଙ୍କୁ ବଦଳି କରାଯାଇଛି । କୁଚିଣ୍ଡା ଉପଜିଲ୍ଲାପାଳ ଆଦିତ୍ୟ ଗୋୟଲେଙ୍କୁ ଅତିରିକ୍ତ ଦାୟିତ୍ୱରେ ଥଇଥାନ କରାଯାଇଛି । ସେହିଭଳି ପୁନର୍ବାର ଆଦିତ୍ୱ ଗୋୟେଲଙ୍କୁ ବରଗଡ ଜିଲ୍ଲା ପରିଷଦର ମୁଖ୍ୟ ଉନ୍ନୟନ ଅଧିକାରୀ ଭାବେ ଆଉ ଏକ ଦାୟିତ୍ୱ ଦିଆଯାଇଛି । ବ୍ରହ୍ମପୁର ଉପଜିଲ୍ଲାପାଳ ଭାବେ କେ. ଆଶୁତୋଷ ଓ ବାଲିଗୁଡା ଉପଜିଲ୍ଲାପାଳ ଭାବେ ମଧୁସ୍ମିତାଙ୍କୁ ଦାୟିତ୍ୱ ଦିଆଯାଇଛି । ସେହିପରି ବେଦଭୂଷଣଙ୍କୁ ଧର୍ମଗଡ ଉରପଜିଲ୍ଲାପାଳ ଏବଂ ସି.କେ ମୋତିରାମଙ୍କୁ ବାଲେଶ୍ୱର ଉପଜିଲ୍ଲାପାଳ ଓ ବିଭୂତି ଭୂଷଣ ନାୟକଙ୍କୁ କୁଚିଣ୍ଡା ଉପଜିଲ୍ଲାପାଳ ଭାବେ ବଦଳି କରାଯାଇଛି ।