(ଜମ୍ମୁ କାଶ୍ମୀର) : ଆସନ୍ତା ୨୨ ତାରିଖରେ ଜମ୍ମୁ କାଶ୍ମୀରରେ ଜି-୨୦ ବୈଠକ ଅଛି। ଶ୍ରୀନଗରରେ ଏଥିପାଇଁ ପ୍ରସ୍ତୁତ ସରିଛି। ମେ’ ୨୨-୨୪ ତାରିଖ ପର୍ଯ୍ୟନ୍ତ ଶ୍ରୀନଗରରେ ଟୁରିଜିମ ୱାର୍କିଂ ଗ୍ରୁପ୍ ବୈଠକ ଅଛି। ବିଦେଶ ରାଷ୍ଟ୍ରର ପ୍ରତିନିଧିମାନେ ଏଥିରେ ଯୋଗ ଦେବେ। ଏଥିପାଇଁ ଜମ୍ମୁ କାଶ୍ମୀରରେ କଡ଼ା ସୁରକ୍ଷା ବ୍ୟବସ୍ଥା କରାଯାଇଛି।
ସୂଚନାନୁଯାୟୀ ,ଚଳିତ ବର୍ଷ ଜମ୍ମୁ କାଶ୍ମୀରରେ ୪ ଆତଙ୍କବାଦୀ ଆକ୍ରମଣ ହୋଇ ୧୦ ଯବାନ ସହିଦ ହେଲେଣି ଏବଂ ୭ ସାଧାରଣ ନାଗରିକଙ୍କ ମୃତ୍ୟୁ ହେଲାଣି। ଜି-୨୦ ବୈଠକ ପୂର୍ବରୁ କିମ୍ବା ଜି-୨୦ ବୈଠକ ସମୟରେ ଆତଙ୍କବାଦୀମାନେ ପୁଣି ଆକ୍ରମଣ ଯୋଜନା କରିପାରନ୍ତି ବୋଲି ଅନୁମାନ କରାଯାଉଛି ।
