(ମଣିପୁର) : ଦିନକୁ ଦିନ ମଣିପୁର ହିଂସାକାଣ୍ଡ ଥମିବାର ନାଁ ନେଉନି । ଗତ ୨୪ ଘଣ୍ଟା ମଧ୍ୟରେ ମଣିପୁରର ବିଷ୍ଣୁପୁର ଓ ଚୁରାଚାନ୍ଦପୁର ସୀମାନ୍ତ ଅଞ୍ଚଳରେ ଘଟିଥିବା ଭିନ୍ନ ଭିନ୍ନ ହିଂସାକାଣ୍ଡରେ ଜଣେ ପୁଲିସ ଓ ଜଣେ ତରୁଣଙ୍କ ସମେତ ୪ଜଣଙ୍କର ମୃତ୍ୟୁ ଘଟିଛି ।
ସୂଚନାନୁଯାୟୀ , ନିରାପତ୍ତା ବଳ ସେ ଅଞ୍ଚଳରେ ‘ବଫର୍ ଜୋନ୍’ ସୃଷ୍ଟି କରି ପରିସ୍ଥିତି ଉପରେ କଡ଼ା ଦୃଷ୍ଟି ରଖିଛି। କିନ୍ତୁ, ଦୁର୍ବୃତ୍ତମାନେ ପାହାଡ଼ ଉପରେ ଓ ଉପତ୍ୟକା ଅଞ୍ଚଳରେ ଥିବା ଗାଁଗୁଡ଼ିକରେ ଲୁଚିଛପି ପ୍ରବେଶ କରି ପରସ୍ପର ଉପରକୁ ଗୁଳି ଚଳାଉଛନ୍ତି। ଉଭୟ ସମ୍ପ୍ରଦାୟ ଶୁକ୍ରବାର ରାତିରୁ ଏଭଳି ଉଦ୍ୟମ ଅବ୍ୟାହତ ରଖିଛନ୍ତି। ସେମାନଙ୍କୁ ପ୍ରତିରୋଧ କରିବା ଲାଗି ସେନା ଉଦ୍ୟମ ଅବ୍ୟାହତ ରଖିଛି।
