(ଭୁବନେଶ୍ୱର) : ଦର୍ଶକ ବନ୍ଧୁ ଆପଣ ଜାଣି ଖୁସି ହେବେ ବଜାରରେ ଏବେ ଲଗାତାର ଟମାଟରର ମୂଲ୍ୟ ହ୍ରାସ ହେବାରେ ଲାଗିଛି । ସରକାରଙ୍କ ପକ୍ଷରୁ କେଜି ପିଛା ୪୦ ଟଙ୍କା ଦରରେ ଟମାଟର ବିକ୍ରି ପରେ ଖୁଚୁରା ବଜାରକୁ ଟମାଟର ଯୋଗାଣ ବଢିଛି। ଫଳରେ ବଜାରରେ ଟମାଟରର ମୂଲ୍ୟ ହ୍ରାସ ହୋଇଛି । ବର୍ତ୍ତମାନ ବଜାରରେ ଟମାଟର କିଲୋଗ୍ରାମ୍ ପ୍ରତି ୫୦ ଟଙ୍କାରେ ମିଳୁଛି ।
ସୂଚନାନୁଯାୟୀ , ଗତ ଦିନରେ ଅଦିନିଆ ବର୍ଷା ଓ ମୌସୁମୀ ପ୍ରଥମ ବର୍ଷା ଯୋଗୁ ଅଚାନକ ଟମାଟର ଯୋଗାଣରେ ବାଧା ଉପୁଜିଥିଲା । ଫଳରେ ଟମାଟର କେଜି ପିଛା ଦରରେ ୧୪୦ ପ୍ରତିଶତ ପର୍ଯ୍ୟନ୍ତ ବୃଦ୍ଧି ହୋଇଥିଲା । ଦେଶରେ ଟମାଟର କେଉଁଠି କେଉଁ ଦରରେ ବିକ୍ରି ହେଉଥିଲା ତାର ଠିକଣା ନଥିଲା । ଏଥିରେ ଟମାଟୋ କେଜି ପିଛା ୨୫୦ ଟଙ୍କାରେ ମଧ୍ୟ ବିକ୍ରି ହୋଇଥିବାର ରେକର୍ଡ ରହିଛି ।
