(ବାଲେଶ୍ୱର) : ଜାଲରେ ପଡ଼ିଲା ୧୧୦ କେଜିର ବିଶାଳ ମାଛ । ତେବେ ମାଛଟି ୨୫ ହଜାର ଟଙ୍କାରେ ବିକ୍ରି ହୋଇଛି । ସବୁ ସମୟରେ ଏହି ମାଛ ଦେଖିବାକୁ ମିଳେନାହିଁ । କେବଳ ଗଭୀର ସମୁଦ୍ରରେ ଏହି ମାଛ ସମୁଦ୍ରରେ ରହିଥାନ୍ତି । ଦୀଘା ମାଛ ମାର୍କେଟରେ ବିକ୍ରି କଲେ ମତ୍ସ୍ୟଜୀବୀ । ଦିଘା ମୁହାଁଣରେ ମତ୍ସ୍ୟଜୀବୀଙ୍କ ଜାଲରେ ଏହି ବିଶାଳକାୟ ମାଛ ପଡିଥିବା ଦେଖିବାକୁ ମିଳିଛି ।
ସୂଚନାନୁଯାୟୀ , ଗତ ଦୁଇ ଦିନ ଧରି ପୂର୍ବ ମେଦିନପୁର ଏବଂ ଓଡିଶାରେ ବର୍ଷା ଲାଗିରହିଛି । ଆଉ ମୂଷଳଧାରରେ ବର୍ଷା ଯୋଗୁଁ ଦିଘା ମୁହାଁଣରେ ମତ୍ସ୍ୟଜୀବୀଙ୍କ ଜାଲରେ ଏକ ବିଶାଳକାୟ ମାଛ ପଡିଛି । ଏହି ବିଶାଳକାୟ ଭୋଲା କଉ ମାଛର ଓଜନ ପ୍ରାୟ ୧୧୦ କେଜି ହେବ ବୋଲି ଜଣାପଡିଛି । ତେବେ ମତ୍ସ୍ୟଜୀବୀଙ୍କ ଜାଲରେ ଏହି ମାଛ ପଡିବା ପରେ ଏହାକୁ ଦେଖିବାକୁ ଲୋକଙ୍କ ଭିଡ଼ ଜମିଛି । ଓଡିଶାର ପାରାଦୀପ ଅଞ୍ଚଳର କିଛି ମତ୍ସଜୀବୀ ଟ୍ରଲର ସାହାଯ୍ୟରେ ଗଭୀର ସମୁଦ୍ରକୁ ମାଛ ମାରିବା ପାଇଁ ଯାଇଥିବା ବେଳେ ଏହି ବିଶାଳକାୟ ମାଛ ସେମାନଙ୍କ ଜାଲରେ ପଡିଥିଲା। ଯାହାକୁ ଦେଖିବାକୁ ଦୀଘା ମୁହାଣରେ ଥିବା ମାଛ ମାର୍କେଟରେ ଲୋକଙ୍କ ଭିଡ଼ ଜମିଥିଲା।
