(ମୁମ୍ବାଇ) : ନଭେମ୍ବର ୧ରେ ଇଟାଲୀରେ ବରୁଣ-ଲାବନ୍ୟାଙ୍କ ବିବାହ ସରିଛି ଏକଥା କାହାକୁ ଅଛପା ନୁହେଁ । କିଛି ଦିନ ହେଲାଣି ସାଉଥ ଷ୍ଟାର ବରୁଣ ତେଜଙ୍କ ବିବାହକୁ ନେଇ ଚର୍ଚ୍ଚା ଆରମ୍ଭ ହୋଇଥିଲା। ଉଭୟଙ୍କ ପରିବାରର ଉପସ୍ଥିତିରେ ବରୁଣ ଓ ଲାବନ୍ୟା ଇଟାଲୀରେ ବିବାହ ବନ୍ଧନରେ ବାନ୍ଧି ହୋଇଥିବା ବେଳେ ଏବେ ଦୁହେଁ ବିବାହ ଭୋଜି ଦେଇଛନ୍ତି।
ସୂଚନାନୁଯାୟୀ , ତେବେ ବିବାହ ଭୋଜି ବିଦେଶରେ ନୁହେଁ ବରଂ ଭାରତରେ ରଖିଛନ୍ତି ଦମ୍ପତ୍ତି। ଦୁହେଁ ହାଇଦ୍ରାବାଦରେ ବନ୍ଧୁ ଓ ପରିବାରବର୍ଗଙ୍କ ପାଇଁ ବିବାହ ଭୋଜିର ଆୟୋଜନ କରିଛନ୍ତି। ବରୁଣ ତେଜ ଏବଂ ଲାବନ୍ୟା ତ୍ରିପାଠୀଙ୍କ ଏହି ଗ୍ରାଣ୍ଡ ରିସେପ୍ସନର ଅନେକ ଭିଡିଓ ଏବଂ ଫଟୋ ସୋସିଆଲ ମିଡିଆରେ ଭାଇରାଲ ହେଉଛି। ଏହି ଭିଡିଓରେ ଦମ୍ପତିଙ୍କ ଗ୍ରାଣ୍ଡ ଏଣ୍ଟ୍ରି ଦେଖିବାକୁ ମିଳିଛି।
