(କର୍ଣ୍ଣାଟକ) : କର୍ଣ୍ଣାଟକର ପୂର୍ବତନ ମନ୍ତ୍ରୀ ତଥା ଖଣି ବ୍ୟବସାୟୀ ଜି ଜନାର୍ଦ୍ଦନ ରେଡ୍ଡୀ ସୋମବାର ଲୋକସଭା ନିର୍ବାଚନ ପୂର୍ବରୁ ଭାରତୀୟ ଜନତା ପାର୍ଟିରେ ଯୋଗ ଦେଇଛନ୍ତି । ରେଡ୍ଡୀ ତାଙ୍କ କେଆରପିପିକୁ ଭାଜପା ସହିତ ମିଶ୍ରଣ କରି ତାଙ୍କ ପତ୍ନୀ ଅରୁଣା ଲକ୍ଷ୍ମୀ ଏବଂ ପରିବାରର କିଛି ସଦସ୍ୟଙ୍କ ସହ ବରିଷ୍ଠ ଦଳର ନେତା ତଥା ପୂର୍ବତନ ମୁଖ୍ୟମନ୍ତ୍ରୀ ବି.ଏସ ୟେଦୁରପ୍ପା, ପ୍ରଦେଶ ଅଧ୍ୟକ୍ଷ ବି ୱାଇ ବିଜୟେନ୍ଦ୍ର ଏବଂ ଅନ୍ୟମାନଙ୍କ ଉପସ୍ଥିତିରେ ଯୋଗ ଦେଇଥିଲେ ।
ତେବେ ଏହି ସମୟରେ ସେ କହିଛନ୍ତି ଯେ ମୁଁ ଜାତୀୟ ସ୍ୱାର୍ଥରେ ଭାଜପାରେ ଯୋଗ ଦେଇଛି ଏବଂ ତୃତୀୟ ଥର ପାଇଁ ପ୍ରଧାନମନ୍ତ୍ରୀ ହେବାରେ ପ୍ରଧାନମନ୍ତ୍ରୀ ମୋଦିଙ୍କୁ ସମର୍ଥନ କରିଛି । ମୁଁ ମୋ ଘରକୁ ଫେରି ଆସିଛି ପାର୍ଟି ମୋତେ ଯାହା ଦାୟିତ୍ୱ ଦେବେ ମୁଁ ତାହା ପୂରଣ କରିବି । ମୁଁ ସମସ୍ତଙ୍କ ପାଇଁ ପ୍ରଚାର କରିବି ଏବଂ ନିକଟରେ ରେଡ୍ଡୀ କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହାଙ୍କୁ ଦିଲ୍ଲୀରେ ଭେଟିଥିଲେ । ତେବେ ନିକଟରେ ରାଜ୍ୟ ସଭା ନିର୍ବାଚନରେ ସେ କଂଗ୍ରେସ ପ୍ରାର୍ଥୀଙ୍କୁ ସମର୍ଥନ କରିଥିଲେ । ଗତ ବର୍ଷ ବିଧାନସଭା ନିର୍ବାଚନ ପର୍ଯ୍ୟନ୍ତ ରେଡ୍ଡୀ ପ୍ରାୟ ୧୨ବର୍ଷ ଧରି ରାଜନୈତିକ ସ୍ତରରେ ନିଷ୍କ୍ରିୟ ଥିଲେ ।
