(ଦିଲ୍ଲୀ) : ସମାଜବାଦୀ ପର୍ଟ୍ଟି ସୁପ୍ରିମୋ ଅଖିଲେଶ ଯାଦବ କନ୍ନୌଜ ଲୋକସଭା ଆସନରୁ ପ୍ରତିଦ୍ୱନ୍ଦ୍ୱିତା କରିବେ । ଗୁରୁବାର ମଧ୍ୟାହ୍ନ ୧୨ ଟାରେ ନାମାଙ୍କନପତ୍ର ଦାଖଲ କରାଯିବ । ଏହାପୂର୍ବରୁ ସମାଜବାଦୀ ପର୍ଟ୍ଟି ତେଜ ପ୍ରତାପ ଯାଦବଙ୍କୁ ଏହି ଆସନରୁ ପ୍ରାର୍ଥୀ କରିଥିଲେ । ବର୍ତ୍ତମାନ ଅଖିଳେଶ ଯାଦବ ଏହି ଆସନରୁ ପ୍ରତିଦ୍ୱନ୍ଦ୍ୱିତା କରିବେ ।
ଦୁଇ ଦିନ ପୂର୍ବେ ସମାଜବାଦୀ ପାର୍ଟି ବିହାରର ପୂର୍ବତନ ମୁଖ୍ୟମନ୍ତ୍ରୀ ଲାଲୁ ପ୍ରସାଦ ଯାଦବଙ୍କ ଜ୍ୱାଇଁ ତେଜ ପ୍ରତାପ ଯାଦବଙ୍କୁ କନ୍ନୌଜ ଟିକେଟ ଦେଇଥିଲେ । ତେଜ ପ୍ରତାପ ଯାଦବ ଅଖିଳେଶଙ୍କ ଭଣଜା । ତେଜ ପ୍ରତାପ ମଧ୍ୟ ଆଜି ତାଙ୍କ ନାମାଙ୍କନ ଦାଖଲ କରିବାକୁ ଯାଉଥିଲେ କିନ୍ତୁ ଏହାକୁ ସ୍ଥଗିତ ରଖାଯାଇଥିଲା । ଏବେ ଅଖିଳେଶ ଯାଦବ ଗୁରୁବାର ଦିନ କନ୍ନଜ ଲୋକସଭା ଆସନ ପାଇଁ ନାମାଙ୍କନପତ୍ର ଦାଖଲ କରିବେ । ଏସପି ସାଧାରଣ ସମ୍ପାଦକ ତଥା ରାଜ୍ୟ ସଭା ଏମପି ରାମ ଗୋପାଳ ଯାଦବ ଘୋଷଣା କରିଛନ୍ତି ଯେ ଅଖିଳେଶ କେବଳ କନ୍ନୌଜରୁ ନିର୍ବାଚନ ଲଢିବେ ।
