(ମୁମ୍ବାଇ) : ପୁଷ୍ପା ଅଭିନେତା ପୁଣିଥରେ ଆଲୋଚନାକୁ ଆସିଛନ୍ତି। ତେବେ ଏଥର ଅଭିନେତା ତାଙ୍କ ଫିଲ୍ମ ପାଇଁ ନୁହେଁ ବରଂ ଅନ୍ୟ କୌଣସି କାରଣରୁ ସମ୍ବାଦରେ ଅଛନ୍ତି। ଅଭିନେତା ଆଇନଗତ ମାମଲାରେ ଛନ୍ଦି ହୋଇ ଯାଇଛନ୍ତି ।
ସୂଚନାନୁଯାୟୀ , ୧୧ ମେ’ରେ ଅଲ୍ଲୁ ଅର୍ଜୁନଙ୍କ ବିରୋଧରେ ତାଙ୍କ ବନ୍ଧୁ ତଥା ୱାଇଏସଆରସିପି ବିଧାୟକ ଶିଳ୍ପା ରବିଙ୍କ ଘରକୁ ଯାଇଥିବା ନେଇ ଏକ ମାମଲା ରୁଜୁ ହୋଇଛି। ନିର୍ବାଚନକୁ ଦୃଷ୍ଟିରେ ରଖି ଏହି ଅଞ୍ଚଳରେ ଧାରା ୧୪୪ ବଳବତ୍ତର ରହିଛି। ଏପରି ପରିସ୍ଥିତିରେ, ବିନା ଅନୁମତିରେ କାହାକୁ ଭିଡ଼ ଜମା କରିବାକୁ ଅନୁମତି ଦିଆଯାଉ ନାହିଁ । ମେ’ ୧୩ ରେ ରାଜ୍ୟରେ ବିଧାନସଭା ଏବଂ ଲୋକସଭା ନିର୍ବାଚନ ପାଇଁ ଏକକାଳୀନ ଭୋଟ୍ ହେବ। ଏଭଳି ପରିସ୍ଥିତିରେ ଅଭିନେତା ଅଲ୍ଲୁ ଅର୍ଜୁନ ତାଙ୍କ ବନ୍ଧୁଙ୍କୁ ସମର୍ଥନ କରିବା ପାଇଁ ନିର୍ବାଚନ ପ୍ରଚାରର ଶେଷ ଦିନରେ ବିଧାୟକଙ୍କ ଘରକୁ ଯାଇଥିଲେ।
