ୱେଷ୍ଟଇଣ୍ଡିଜ୍ ଟି-୨୦ ବିଶ୍ୱକପ୍ ୨୦୨୬ରେ ପ୍ରଥମ ଦଳ ଭାବେ ସୁପର ୮ରେ ପ୍ରବେଶ କରିଛି । ରବିବାର ମୁମ୍ବାଇର ୱାଙ୍ଖେଡେ ଷ୍ଟାଡିୟମରେ ୱେଷ୍ଟଇଣ୍ଡିଜ୍ ୯ୱିକେଟ୍ରେ ନେପାଳକୁ ପରାସ୍ତ କରି ସୁପର ୮ରେ ପ୍ରବେଶ କରିଛି । ଲିଗ୍ ପର୍ଯ୍ୟାୟର ୨୫ତମ ମ୍ୟାଚରେ ନେପାଳକୁ ୯ ୱିକେଟରେ ପରାସ୍ତ କରି ୱେଷ୍ଟଇଣ୍ଡିଜ୍ ଏହି ଯୋଗ୍ୟତା ଅର୍ଜନ କରିଛି । ଫଳରେ ବିଶ୍ୱକପ୍ ଟୁର୍ଣ୍ଣାମେଣ୍ଟରୁ ଆଉଟ୍ ହୋଇଛି ନେପାଳ ।
ୱେଷ୍ଟଇଣ୍ଡିଜ୍ ବୋଲରଙ୍କ ଶୃଙ୍ଖଳିତ ପ୍ରଦର୍ଶନ ଯୋଗୁଁ ନେପାଳ ଇନିଂସର ପ୍ରାରମ୍ଭିକ ପର୍ଯ୍ୟାୟରେ ସମ୍ପୂର୍ଣ୍ଣ ଭାବରେ ପରାଜିତ ହୋଇଥିଲା । ଦୀପେନ୍ଦ୍ର ସିଂହ ଏରିଙ୍କ ୫୮ ରନ୍ ସହାୟତାରେ ଦଳ ଏକ ସମ୍ମାନଜନକ ସ୍କୋର ୧୩୩/୮ରେ ପହଞ୍ଚିଯାଇଥିଲା । ଜାସନ ହୋଲ୍ଡର ସର୍ବାଧିକ ୪ ୱିକେଟ୍ ନେଇଥିଲେ । ଅକିଲ ହୋସେନ୍, ମାଥ୍ୟୁ ଫୋର୍ଡ, ସମାର ଜୋସେଫ, ରୋଷ୍ଟନ ଚେସ୍ ଗୋଟିଏ ଲେଖାଏଁ ୱିକେଟ୍ ନେଇଥିଲେ। ତେବେ ୱେଷ୍ଟଇଣ୍ଡିଜ୍ ସତର୍କତାର ଖେଳିବା ସହିତ ୧୫.୨ ଓଭରରେ ବିଜୟ ଲକ୍ଷ୍ୟରେ ହାସଲ କରିଥିଲା । ୱେଷ୍ଟଇଣ୍ଡିଜ୍ ମ୍ୟାଚ ପ୍ରାରମ୍ଭରୁ ୨୨ ରନ୍ କରିଥିଲା ବେଳେ ବ୍ରାଣ୍ଡନ୍ କିଙ୍ଗଙ୍କୁ ହରାଇଥିଲା । ପରବର୍ତ୍ତୀ ସମୟରେ ଶାଇ ହୋପ୍ ଏବଂ ଶିମରୋନ୍ ହେଟମାୟରଙ୍କ ମଧ୍ୟରେ ଭାଗୀଦାରି ଦଳକୁ ଜିତାଇବା ପାଇଁ ଯଥେଷ୍ଟ ଥିଲା । ହୋପ୍ ୬୧ ରନ ଏବଂ ହେଟମାୟରଙ୍କ ୪୬ ରନ ସ୍କୋର କରିଥିଲେ ।
