(ଜଗତସିଂହପୁର) : ଲଗାତାର ଭାବେ କେଉଁଠି କଉଡ଼ିଆଙ୍କୁ ବିଦ୍ୟୁତ ତାରରେ ତ କେଉଁଠି ବଜ୍ରପାତରେ ମୃତ୍ୟୁ ଘଟୁଥିବା ଘଟଣା ଦେଖିବାକୁ ମିଳିଛି । ତେବେ ଏହି କ୍ରମରେ ଦେବୀ ନଦୀରେ ବୁଡ଼ିଯାଇ ଜଣେ କାଉଡ଼ିଆ ନିଖୋଜ। ଜଗତସିଂହପୁର ଜିଲ୍ଲା ଆଳି ପିଙ୍ଗଳ ନିକଟ କେତକେଶ୍ୱର ଘାଟରେ ବଡ଼ ଧରଣ ଅଘଟଣ ଘଟିଛି ।
ସୂଚନାନୁଯାୟୀ , ଶୈବପୀଠ ଲାଗି ପାଣି ଆଣିବାକୁ ବୁଡ଼ମାରିବା ବେଳେ ଏହି ଅଘଟଣ ଘଟିଥିବା ଜଣାପଡ଼ିଛି। ନିଖୋଜ କାଉଡ଼ିଆ ହେଲେ ଅଷ୍ଟମ ଶ୍ରେଣୀର ଭୋଳା ପ୍ରଧାନ । ତାଙ୍କ ଘର ଛପଡା ଗୋରେଖନାଥ ଅଞ୍ଚଳରେ ବୋଲି ସୂଚନା ମିଳିଛି । ସମ୍ପର୍କୀୟଙ୍କ ସହିତ ପାଣି ଉଠାଇବା ପାଇଁ ଦେବୀ ନଦୀକୁ ପଶିଥିଲେ ଭୋଳା । ନଦୀରେ ପଶି ପାଣିଭାର ଉଠାଉ ଥିବା ବେଳେ ୨ଜଣ କାଉଡିଆ ନଦୀପାଣିରେ ଭାସିଯାଇଥିଲେ । ସେମାନଙ୍କ ମଧ୍ୟରୁ ଜଣଙ୍କୁ ଉଦ୍ଧାର କରାଯାଇଛି। ଭୋଳାଙ୍କର ଚିତ୍କାର ଶୁଣି ଅନ୍ଧାରରେ ତାଙ୍କୁ ଖୋଜାଖୋଜି କରିଥିଲେ ସମ୍ପର୍କୀୟ । ହେଲେ ଭୋଳାଙ୍କୁ ଆଉ ପାଇନଥିଲେ ।
