ଭୁବନେଶ୍ୱର: ରାଜ୍ୟରେ କରୋନା ମୁକାବିଲା ପାଇଁ ରାଜ୍ୟ ସରକାର ସମସ୍ତ ଜରୁରୀ ପଦକ୍ଷେପ ନେଇଚାଲିଛନ୍ତି । ରାଜ୍ୟ ଓ ରାଜ୍ୟବାସୀଙ୍କ ହିତକୁ ଦୃଷ୍ଟିରେ ରଖି ସରକାର ଆଜି ମଧ୍ୟ ଏକ ଘୋଷଣା କରିଛନ୍ତି । ରାଜ୍ୟରେ ଲକ୍ଡାଉନ୍ ଅବଧି ଏପ୍ରିଲ ୩୦ ପର୍ୟ୍ୟନ୍ତ ବୃଦ୍ଧି କରିବା ସହ ସବୁ ଶିକ୍ଷାନୁଷ୍ଠାନ ଜୁନ୍ ୧୭ ତାରିଖ ପର୍ୟ୍ୟନ୍ତ ବନ୍ଦ ରହିବା ପାଇଁ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ।
ସୂଚନାଯୋଗ୍ୟ, ସାଧାରଣତଃ ମେ ମାସରୁ ରାଜ୍ୟରେ ସମସ୍ତ ଶିକ୍ଷାନୁଷ୍ଠାନକୁ ରଜ ଶେଷ ଅର୍ଥାତ ଜୁନ ୧୭ ବା ୧୮ ପର୍ଯ୍ୟନ୍ତ ବନ୍ଦ କରାଯାଇଥାଏ । ବର୍ତ୍ତମାନ କରୋନାକୁ ନେଇ ଏପ୍ରିଲ ମାସ ତମାମ ଲକଡାଉନ ଜାରି ରହିଥିବାରୁ ଗ୍ରୀଷ୍ଣ ପ୍ରବାହ ପାଇଁ ମେ ମାସରୁ ଜୁନ ୧୭ ପର୍ଯ୍ୟନ୍ତ ଶିକ୍ଷାନୁଷ୍ଠାନକୁ ବନ୍ଦ କରାଯାଇଛି ।
