(ରାଜସ୍ଥାନ) : ସାଙ୍ଗନୌର ବିଧାୟକ ଭଜନଲାଲ ଶର୍ମା ହେବେ ରାଜସ୍ଥାନର ନୂତନ ମୁଖ୍ୟମନ୍ତ୍ରୀ । ପ୍ରଥମ ଥର ପାଇଁ ବିଧାୟକ ଭାବେ ନିର୍ବାଚିତ ହୋଇଛନ୍ତି ଭଜନଲାଲ । ବର୍ତ୍ତମାନ ସେ ବିଜେପିର ସଂଗଠନ ସଂପାଦକ ଅଛନ୍ତି ।
ସୂଚନାନୁଯାୟୀ , ସାଙ୍ଗାନୌର ବିଧାନସଭା ଆସନରୁ ବିଜୟୀ ହୋଇଛନ୍ତି ଭଜନଲାଲ ଶର୍ମା । ସେ ପ୍ରଥମ ଥର ପାଇଁ ରାଜସ୍ଥାନ ମୁଖ୍ୟମନ୍ତ୍ରୀ ଭାବେ ନିର୍ବାଚିତ ହୋଇଛନ୍ତି । ସେ କଂଗ୍ରେସ ପୁଷ୍ପେନ୍ଦ୍ର ଭରଦ୍ୱାଜଙ୍କୁ ୪୮.୦୮୧ ଖଣ୍ତ ଭୋଟରେ ପରାସ୍ତ କରିଛନ୍ତି ଏବଂ ତାଙ୍କୁ ୧.୪୫.୧୬୨ ଖଣ୍ତ ଭୋଟ୍ ମିଳିଛି । ଭଜନଲାଲ ୪ ଥର ରାଜ୍ୟ ବିଜେପିର ସାଧାରଣ ସଂପାଦକ ଭାବେ ନିର୍ବାଚିତ ହୋଇଛନ୍ତି । ସେ ଆରଏସ୍ଏସ୍ ଓ ଏବିଭିପି ସହିତ ମଧ୍ୟ ଜଡିତ ଅଛନ୍ତି । ଭଜନଲାଲ ଶର୍ମାଙ୍କୁ ବିଧାନସଭା ଦଳର ନେତା ଭାବେ ମନୋନୀତ କରିବାକୁ ପ୍ରସ୍ତାବ ଦିଆଯାଇଥିଲା। ଯାହା ସମସ୍ତ ବିଧାୟକଙ୍କ ସହମତିରେ ପାସ କରାଯାଇଥିଲା ।
