(ଭୁବନେଶ୍ୱର) : ଆସିଲା ବିଏମସିର ନୂଆ ଗାଇଡଲାଇନ୍ । ଏଣିକି ରାଜଧାନୀ ରାଜରାସ୍ତାରେ ଗାଈଗୋରୁ ଛାଡିଲେ ମାଲିକଙ୍କୁ ମିଳିବ ଦଣ୍ତ ଏହାସହ ବିଏମସି ଗାଈଗୋରୁଙ୍କୁ ଗୋଶାଳାକୁ ଉଠାଇ ନେବ । ଏନେଇ ଭୁବନେଶ୍ୱର ମହାନଗର ନିଗମ କାର୍ଯ୍ୟାଳୟରେ ବିଏମସି କମିଶନର ଅମୃତ କୁଲାଙ୍ଗେଙ୍କ ଅଧ୍ୟକ୍ଷତାରେ ବସିଥିବା ଏକ ବୈଠକରେ ନିଷ୍ପତ୍ତି ନିଆଯାଇଛି ।
ସୂଚନା ଅନୁସାରେ, ଗୁଲାଗାଈ ଗୋରୁଙ୍କ ପାଇଁ ଅନେକ ସମୟରେ ଟ୍ରାଫିକ ସମସ୍ୟା ଦେଖାଦେଉଛି, ଯାନବାହନ ଚଳାଚଳରେ ଅସୁବିଧା ଏପରିକି ଅଧିକ ଦୁର୍ଘଟଣା ହେଉଥିବାରୁ ବିଏମସି ପକ୍ଷରୁ ଏପରି ନିଷ୍ପତ୍ତି ନିଆଯାଇଛି । ଯେଉଁ ମାଲିକ ନିଜ ଗାଈ ବୋଲି ଦାବି କରିବେ ସେମାନଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନିଆଯିବ । ତେବେ ବିଏମସି ପକ୍ଷରୁ ବ୍ରହ୍ମଗିରି, ଜଟଣୀ, ବେଗୁନିଆ, ଆଦି ଗୋଶାଳା କର୍ମକର୍ତ୍ତାଙ୍କ ସହ ଏ ସମ୍ପର୍କରେ ଆଲୋଚନା କରାଯାଇଛି ।
