(ଦିଲ୍ଲୀ) : ସାମ୍ନାକୁ ଆସିଲା ‘ଏଲ୍ପିଡିସି’ କ୍ୟାମେରାଦ୍ବାରା ଚନ୍ଦ୍ରଯାନ-୩ ଉଠାଇଥିବା ଚନ୍ଦ୍ରର ଅପରପାର୍ଶ୍ବର କେତୋଟି ଚମତ୍କାର ଫଟୋ । ଯାହା ଆଜି ‘ଇସ୍ରୋ’ ସେୟାର୍ କରିଛି।
ସେୟାର୍ କରିଥିବା ଫଟୋ ସହିତ ‘ଏକ୍ସ୍’ କରି ‘ଇସ୍ରୋ’ ଲେଖିଛି: ଲ୍ୟାଣ୍ଡର୍ ହଜାର୍ଡ ଡିଟେକ୍ସନ୍ ଆଣ୍ଡ୍ ଆଭଏଡାନ୍ସ୍ କ୍ୟାମେରା’ଦ୍ବାରା ଉତ୍ତୋଳିତ ଚନ୍ଦ୍ରର ଅପରପାର୍ଶ୍ବର କେତୋଟି ଫଟୋ ଦେଖନ୍ତୁ। ‘ସାକ୍/ଇସ୍ରୋ’ଦ୍ବାରା ବିକଶିତ ଏହି କ୍ୟାମେରା ଅବତରଣ ସମୟରେ ଶିଳାଖଣ୍ଡ ଅଥବା ଗଭୀର ଖାତ ନ ଥିବା ଭଳି ନିରାପଦ ଅବତରଣ କ୍ଷେତ୍ର ଠାବ କରିବାରେ ଚନ୍ଦ୍ରଯାନ-୩କୁ ସାହାଯ୍ୟ କରିବ। ଅଗଷ୍ଟ ୨୩ ତାରିଖ ସନ୍ଧ୍ୟା ୬.୦୪ରେ ଚନ୍ଦ୍ରଯାନ-୩ ଚନ୍ଦ୍ରର ଦକ୍ଷିଣ ମେରୁରେ ଅବତରଣ କରିବ ବୋଲି ଆଶା କରାଯାଉଛି।
