(କେଦାରନାଥ): ଚାରିଧାମ ତୀର୍ଥକ୍ଷେତ୍ରରେ ଏହି ତାରିଖ ପର୍ଯ୍ୟନ୍ତ ବନ୍ଦ ହେଲା VIP ଦର୍ଶନ । ଶ୍ରଦ୍ଧାଳୁଙ୍କ ସଂଖ୍ୟା ବଢୁଥିବାରୁ ଉତ୍ତରାଖଣ୍ତ ସରକାରଙ୍କ ପକ୍ଷରୁ ଏପରି ନିଷ୍ପତ୍ତି ନିଆଯାଇଛି । ସେହିପରି ଭକ୍ତଙ୍କ ପଞ୍ଜୀକରଣକୁ ମଧ୍ୟ ବାଧ୍ୟକାମୂଳକ କରାଯାଇଛି । ମେ ୩୧ ତାରିଖ ପର୍ଯ୍ୟନ୍ତ କେଦାରନାଥ, ବଦ୍ରିନାଥ, ଯମୁନୋତ୍ତରୀ ଏବଂ ଗଙ୍ଗୋତ୍ରୀରେ ଭିଆଇପି ଦର୍ଶନକୁ ସ୍ଥଗିତ ରଖାଯାଇଛି ।
ସୂଚନାନୁଯାୟୀ , ଉତ୍ତରାଖଣ୍ଡର ପବିତ୍ର ଚାର ଧାମ ଯାତ୍ରା ମେ ୧୦ରୁ ଆରମ୍ଭ ହୋଇଯାଇଛି । ଶ୍ରଦ୍ଧାଳୁଙ୍କ ଭିଡ଼ ବଢିବାରେ ଲାଗିଛି ଯାହାକୁ ନଜରରେ ରଖି ରାଜ୍ୟ ସରକାରଙ୍କ ପକ୍ଷରୁ ଭିନ୍ନ ନୂଆ ନିୟମ ଜାରି କରିଛନ୍ତି, ଚାରିଧାମ ଯାତ୍ରା ସମୟରେ ମନ୍ଦିରରୁ 50 ମିଟର ବ୍ୟାସାର୍ଦ୍ଧରେ ଭିଡିଓ ରିଲ ତିଆରି କରିବାକୁ ମଧ୍ୟ ବାରଣ କରାଯାଇଛି । ସେପଟେ ଚାରିଧାମ ଯାତ୍ରା ବେଳେ ରିଲ୍ସ କରିବା ଉପରେ ଲାଗି ପ୍ରତିବନ୍ଧକ ଉତ୍ତରାଖଣ୍ଡ ସରକାର ଦେଇଥିବା ବିଜ୍ଞପ୍ତିରେ ଅନୁସାରେ, ଅନେକ ଲୋକ ମନ୍ଦିର ପରିସରରେ ସୋସିଆଲ ମିଡିଆ ପାଇଁ ଭିଡିଓଗ୍ରାଫି / ରିଲ୍ସ ତିଆରି କରୁଛନ୍ତି। ଯେଉଁ କାରଣରୁ ଗୋଟିଏ ସ୍ଥାନରେ ଭିଡ଼ ଜମିବା କାରଣରୁ ଭକ୍ତମାନେ ଦର୍ଶନ କରିବାରେ ଅସୁବିଧାର ସମ୍ମୁଖୀନ ହେଉଛନ୍ତି।
