ଆସ୍ପାୟାନ ପକ୍ଷରୁ ଶିଶୁ ଅଧିକାର ସୁରକ୍ଷା ଅଭିଯାନ ଯାତ୍ରା

କେନ୍ଦୁଝର/ପରେଶ କୁମାର ସେଠୀ : ବିଶ୍ଵ ଶିଶୁ ଦିବସ ଅବସରରେ କେନ୍ଦୁଝର ଜିଲ୍ଲାର ଅଗ୍ରଣୀ ସ୍ଵେଚ୍ଛାସେବୀ ଅନୁଷ୍ଠାନ ଆସ୍ପାୟାର ପକ୍ଷରୁ ହରିଚନ୍ଦନପୁର ବ୍ଲକର ୧୩ଟି ପଞ୍ଚାୟତରେ ଶିଶୁ ଅଧିକାର ସୁରକ୍ଷା ମହାଅଭିଯାନ ଯାତ୍ରା ଅନୁଷ୍ଠିତ ହୋଇଛି । ୧୪ ନଭେମ୍ବର ଠାରୁ ୨୦ ପର୍ଯ୍ୟନ୍ତ ଏକ ସପ୍ତାହ ଧରି ଚାଲିଥିବା ଅଭିଯାନରେ ରବିବାର ଦିନ ବୁଢ଼ାଖମଣ ଗ୍ରାମ ପଞ୍ଚାୟତ ହଳଦିଆପଦା ଗ୍ରାମରେ ଛାତ୍ରଛାତ୍ରୀ ଓ ଅଭିଭାବକ ବିଶାଳ ସମାରୋହରେ ଯୋଗଦେଇ ମୁଣ୍ଡରେ ମୁକୁଟ ପିନ୍ଧି ପଦଯାତ୍ରା ରାଲିରେ ସାମିଲ ହୋଇ ଶିଶୁ ଅଧିକାର ,ଶିକ୍ଷା ଅଧିକାର , ଶିଶୁ ଅଧିକାର,ଶିଶୁ ଶ୍ରମିକ ମୁକ୍ତ ଓ ବାଲ୍ୟ ବିବାହ ମୁକ୍ତ ପଞ୍ଚାୟତ ଗଠନ ପ୍ରସଙ୍ଗରେ ବିଭିନ୍ନ ପ୍ଲାଏ କାର୍ଡ ଧରି ସ୍ଲୋଗାନ ଦେଇ ଗାଁ ବୁଲି ସଚେତନ କରାଇଥିଲେ ।