ଦୁର୍ଗମ ଓ ବାମପନ୍ଥୀ ଉଗ୍ରବାଦ ପ୍ରଭାବିତ ଅଞ୍ଚଳକୁ ଯୋଡ଼ିବ ପକ୍କା ରାସ୍ତା । ମୁଖ୍ୟମନ୍ତ୍ରୀ ସଡ଼କ ଯୋଜନାର ଅବଧି ୨୦୩୦-୩୧ ଯାଏଁ ବୃଦ୍ଧି । ପକ୍କା ରାସ୍ତା ନିର୍ମାଣ ପାଇଁ ମଞ୍ଜୁର ହେଲା ୧୭୦୦ କୋଟି ଟଙ୍କା। ରାଜ୍ୟର ସୁଦୂର, ଦୁର୍ଗମ ପାହାଡ଼ିଆ ଓ ବାମପନ୍ଥୀ ଉଗ୍ରବାଦ (LWE) ପ୍ରଭାବିତ ଅଞ୍ଚଳରେ ଥିବା ଅସଂଯୋଜିତ ଗ୍ରାମଗୁଡ଼ିକୁ ସର୍ବର୍ତ୍ତୁକାଳୀନ (ସବୁ ଦିନିଆ) ପକ୍କା ରାସ୍ତା ସଂଯୋଗ ଯୋଗାଇ ଦେବା ପାଇଁ ରାଜ୍ୟ ସରକାର ଏକ ବଡ଼ ନିଷ୍ପତ୍ତି ନେଇଛନ୍ତି। ମୁଖ୍ୟମନ୍ତ୍ରୀ ସଡ଼କ ଯୋଜନା – ଦୁର୍ଗମ ଅଞ୍ଚଳରେ ଅସଂଯୋଜିତ ଗ୍ରାମଗୁଡ଼ିକର ସଂଯୋଗୀକରଣ (MMSY-CUVDA)’ ର ଅବଧିକୁ ୨୦୨୨-୨୩ ରୁ ୨୦୩୦-୩୧ (ଆଗାମୀ ୫ ବର୍ଷ ପାଇଁ) ବୃଦ୍ଧି କରାଯିବା ସହ ଏଥିପାଇଁ ମୋଟ ୧୭୦୦ କୋଟି ଟଙ୍କା ବ୍ୟୟ ବରାଦ କରାଯାଇଛି। ଏ ନେଇ ଗ୍ରାମ୍ୟ ଉନ୍ନୟନ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି। ପ୍ରାୟ ୧୫୦ କିଲୋମିଟର ରାସ୍ତା ଓ ନୂତନ ପୋଲ ନିର୍ମାଣ ଲକ୍ଷ୍ୟ ରହିଛି । ପ୍ରତ୍ୟେକ ନିର୍ମାଣ ପ୍ରକଳ୍ପ ପାଇଁ ୫ ବର୍ଷର ୱାରେଣ୍ଟି/ଦୋଷ ପ୍ରତିକାର ଅବଧି (Defect Liability Period) ରହିବ। ଏହି ସମୟ ମଧ୍ୟରେ ରାସ୍ତାରେ କୌଣସି ତ୍ରୁଟି ଦେଖାଦେଲେ ଠିକାଦାର ନିଜ ଖର୍ଚ୍ଚରେ ତାହାର ମରାମତି କରିବେ।
ମୁଖ୍ୟମନ୍ତ୍ରୀ ସଡ଼କ ଯୋଜନା ଅବଧି ଆଗାମୀ ୫ ବର୍ଷ ପାଇଁ ବୃଦ୍ଧି
