ପୁଣି ଆରମ୍ଭ ହେବ ଶ୍ରୀମନ୍ଦିର ରତ୍ନଭଣ୍ଡାରର ଗଣତିମଣତି

ଅଗଷ୍ଟ ୩୧ ଓ ସେପ୍ଟେମ୍ବର ୧ ତାରିଖରେ ରତ୍ନଭଣ୍ଡାରରେ ଥିବା ରତ୍ନ ଓ ଅଳଙ୍କାରର ଗଣତିମଣତି କରାଯିବ । ଶ୍ରୀମନ୍ଦିରର ବିଭି୍ନ୍ନ ପର୍ବପର୍ବାଣୀ ଓ ରୀତିନୀତିକୁ ଦୃଷ୍ଟିରେ ରଖିô ନିଷ୍ପତ୍ତି ହୋଇଛି । କମାଣ୍ଡରଙ୍କ ପରାମର୍ଶ ମୁତାବିକ ଏହି ତାରିଖ ଧାର୍ଯ୍ୟ କରାଯାଇଛି । ତେବେ ରାଜ୍ୟ ସରକାରଙ୍କ ଦ୍ୱାରା ଅନୁମୋଦନ ହୋଇଥିବା ଏସ୍ଓପି ମୁତାବିକ ସମ୍ପୂର୍ଣ୍ଣ ପ୍ରକ୍ରିୟାକରଣ କରାଯିବ ।
ଋତ୍ନଭଣ୍ଡାରରେ ଥିବା ମୂଲ୍ୟବାନ ସମସ୍ତ ରତ୍ନ ଅଳଙ୍କାରର ଗଣତିମଣତି ନେଇ ପ୍ରସ୍ତୁତି କରାଯିବ । ପୂର୍ବବତ୍ ନିୟମ ଓ ସତର୍କତା ଅବଲମ୍ବନ କରି ଏହି ପ୍ରକ୍ରିୟା କରାଯିବ । ସମସ୍ତ କାର୍ଯ୍ୟ ସୂଚାରୁ ରୂପେ ତୁଲାଇବା ପାଇଁ ଶ୍ରୀମନ୍ଦିର ମୁଖ୍ୟ ପ୍ରଶାସକ ସମସ୍ତ ସେବାୟତ ଓ ଶ୍ରଦ୍ଧାଳୁଙ୍କ ସହଯୋଗ ସହ ସହାୟତା କାମନା କରିଛନ୍ତି । ତେବେ ଅଗଷ୍ଟ ୩୧ ଓ ସେପ୍ଟେମ୍ବର ୧ର ରତ୍ନଭଣ୍ଡାର ଗଣତିମଣତି ଉପରେ ଏବେ ସମସ୍ତଙ୍କ ନଜର ।