(ଦିଲ୍ଲୀ) : ଫସଲର ସର୍ବନିମ୍ନ ସହାୟକ ମୂଲ୍ୟ (ଏମ୍ଏସ୍ପି) ଗ୍ୟାରେଣ୍ଟି ଆଇନ ଏବଂ ଅନ୍ୟାନ୍ୟ ଦାବି ନେଇ ଗତକାଲିଠାରୁ ଆରମ୍ଭ ହୋଇଥିବା ଚାଷୀ ଆନ୍ଦୋଳନ ଆଜି ଜୋର୍ଦାର ହୋଇଛି । ପଞ୍ଜାବ-ହରିୟାଣା ସୀମାରେ ଆଜି ମଧ୍ୟ ହଜାର ହଜାର ଚାଷୀ ‘ଦିଲ୍ଲୀ ଚଲୋ’ ଅଭିଯାନରେ ସାମିଲ ହୋଇଛନ୍ତି ଏବଂ ବ୍ୟାରିକେଡ ହଟାଇବାକୁ ଉଦ୍ୟମ କରି ପୁଲିସ ସହ ମୁହାଁମୁହିଁ ହୋଇଛି । ଦିଲ୍ଲୀ ଏବଂ ଏହାର ଆଖପାଖ ସହରଗୁଡ଼ିକରେ ଟ୍ରାଫିକ୍ କଟକଣା ଏବଂ ପ୍ରବଳ ପୁଲିସ ବ୍ୟାରିକେଡିଂ ଯୋଗୁଁ ଯାନବାହନ ଚଳାଚଳ ବାଧାପ୍ରାପ୍ତ ହୋଇଛି । ‘ଏକ୍ସପ୍ରେସ ୱେ’ରେ କ୍ରମାଗତ ଦ୍ବିତୀୟ ଦିନ ପାଇଁ ଭୀଷଣ ଟ୍ରାଫିକ୍ ସମସ୍ୟା ଲୋକଙ୍କୁ ହନ୍ତସନ୍ତ କରିଛି।
ସୂଚନାନୁଯାୟୀ , ଦୁଇ ଦିନ ଧରି ଚାଲିଥିବା ସଂଘର୍ଷରେ ଅନେକ ଚାଷୀ ଓ ପୁଲିସ କର୍ମୀ ଆହତ ହୋଇଥିବା ଜଣାପଡ଼ିଛି। ଅନ୍ୟପକ୍ଷରେ କେନ୍ଦ୍ର ସରକାରଙ୍କ ସହ ତୃତୀୟ ପର୍ଯ୍ୟାୟ ଆଲୋଚନା ପାଇଁ ଚାଷୀ ନେତାମାନେ ରାଜି ହୋଇଥିବା ଜଣାପଡ଼ିଛି। ଆସନ୍ତାକାଲି ସନ୍ଧ୍ୟାରେ ଚଣ୍ଡିଗଡ଼ରେ ଆଲୋଚନା ହେବ । ଏହି ପ୍ରସଙ୍ଗରେ ସରକାରଙ୍କ ସହ ଗଠନମୂଳକ ଆଲୋଚନା କରିବାକୁ ସେ ଆନ୍ଦୋଳନରତ କୃଷକ ସଂଗଠନଗୁଡ଼ିକୁ ଅନୁରୋଧ କରିଛନ୍ତି।
