(ଭୁବନେଶ୍ୱର) : ଓଡ଼ିଶା ଛାଡ଼ିଲେ ରାଜ୍ୟପାଳ ପ୍ରଫେସର ଗଣେଶୀ ଲାଲ୍। ବିଦାୟ ପୂର୍ବରୁ ତାଙ୍କୁ ରାଜଭବନରେ ଗାର୍ଡ ଅଫ ଅନର ଦିଆଯାଇଥିଲା। ରାଜଭବନର ସମସ୍ତ ଅଧିକାରୀ ଓ କର୍ମଚାରୀ ଉପସ୍ଥିତ ଥିଲେ। ସେଠାରୁ ସେ ସିଧାସଳଖ ବିମାନବନ୍ଦର ଅଭିମୁଖେ ଯାଇଥିଲେ। ବିମାନବନ୍ଦରରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ଭୁବନେଶ୍ବର ସାଂସଦ ଅପରାଜିତା ଷଡ଼ଙ୍ଗୀ ପ୍ରମୁଖ ଉପସ୍ଥିତ ରହି ତାଙ୍କୁ ବିଦାୟ ଜଣାଇଥିଲେ।
ସୂଚନାନୁଯାୟୀ , ବିମାନବନ୍ଦରକୁ ଯିବା ସମୟରେ ସେ କହିଥିଲେ ଯେ ଓଡ଼ିଶା ହେଉଛି ମୋର ଘର। ଏଠାକୁ ଆସି ମୋର ପୁନର୍ଜନ୍ମ ହୋଇଛି। ଏଠାକାର ମାଟିରେ ସୁଗନ୍ଧ ରହିଛି। ଦୁନିଆରେ ଯେଉଁଠି ବି ବୁଲନ୍ତୁ, ପୁରୀ ଭଳି ଭଲ ପାଇବା କେଉଁଠୁ ପାଇବେନି।
