ନୂଆଦିଲ୍ଲୀ: ଘରୋଇ କ୍ରିକେଟରଙ୍କ ପାଇଁ ବିସିସିଆଇ ଦେଲା ଖୁସି ଖବର । ଖେଳାଳୀମାନଙ୍କର ମ୍ୟାଚ ଫି ବୃଦ୍ଧି କରିବା ନେଇ ଘୋଷଣା କରିଛନ୍ତି ବିସିସିଆଇ ସମ୍ପାଦକ ଜୟ ଶାହା । ଘରୋଇ କ୍ରିକଟେରେ ୪୦ରୁ ଅଧିକ ମ୍ୟାଚ ଖେଳିଥିବା ଖେଳାଳୀମାନଙ୍କ ପାଇଁ ମ୍ୟାଚ ଫି ୬୦ ହଜାର ଟଙ୍କା ଧାର୍ଯ୍ୟ କରାଯାଇଛି ।
I am pleased to announce the hike in match fee for domestic cricketers.
Seniors – INR 60,000 (above 40 matches).
Under 23- INR 25,000
Under 19 – INR 20,000#BCCIApexCouncil
— Jay Shah (@JayShah) September 20, 2021
ପୂର୍ବରୁ କ୍ରିକେଟରମାନଙ୍କୁ ମ୍ୟାଚ ପ୍ରତି ୩୫ ହଜାର ଟଙ୍କା ପ୍ରଦାନ କରାଯାଉଥିବା ବେଳେ ଏବେ ସେଥିରେ ୨୫ ହଜାର ଟଙ୍କା ବୃଦ୍ଧି କରାଯାଇ ୬୦ ହଜାର ଟଙ୍କା ସ୍ଥିର କରିଛି ବିସିସିଆଇ । ସେହିପରି ୨୩ ବର୍ଷରୁ କମ ବୟସର ଖେଳାଳୀମାନଙ୍କ ପାଇଁ ମ୍ୟାଚ ଫି ୨୫ ହଜାର ଏବଂ ୧୯ ବର୍ଷରୁ କମ ଖେଳାଳୀମାନଙ୍କୁ ୨୦ ହଜାର ଟଙ୍କା ଲେଖାଏଁ ମ୍ୟାଚ ଫି ଧାର୍ଯ୍ୟ ହୋଇଛି । ତେବେ ଏହା ବ୍ୟତୀତ ୨୦୧୯-୨୦ ଘରୋଇ ସିଜନରେ ଅଂଶଗ୍ରହଣ କରିଥିବା ଖେଳାଳୀମାନଙ୍କୁ ୨୦୨୦-୨୧ରେ ସ୍ଥଗିତ ସିଜନର କ୍ଷତି ପୂରଣ ବାବଦକୁ ୫୦ ପ୍ରତିଶତ ଅତିରିକ୍ତ ମ୍ୟାଚ ଶୁକ୍ଳ ଦିଆଯିବ । ଏହି ବର୍ଷରେ ମହାମାରୀ କୋରୋନା ପାଇଁ ସିଜନ ସ୍ଥଗିତ ରହିଥିଲା । ଏନେଇ ବିସିସିଆଇ ସମ୍ପାଦକ ଜୟ ଶାହା ଟ୍ୱିଟ କରି ସୂଚନା ଦେଇଛନ୍ତି ।
I am pleased to announce the hike in match fee for domestic cricketers.
Seniors – INR 60,000 (above 40 matches).
Under 23- INR 25,000
Under 19 – INR 20,000#BCCIApexCouncil
— Jay Shah (@JayShah) September 20, 2021
ବିସିସିଆଇ ସୋମବାର ଆପେକ୍ସ କାଉନସିଲ ବୈଠକରେ ଏହି ନିଷ୍ପତ୍ତି ନେଇଛି। ଏଥି ସହ ମହିଳା ଖେଳାଳି ମାନଙ୍କର ମଧ୍ୟ ମ୍ୟାଚ ଫି ବୃଦ୍ଧି କରାଯାଇଛି। ସିନିୟର ମହିଳା ଖେଳାଳିଙ୍କୁ ଏବେ ମ୍ୟାଚ ପ୍ରତି ୧୨,୫୦୦ ପରିବର୍ତ୍ତେ ୨୦ ହଜାର ଟଙ୍କା ଦିଆଯିବ ।
