(ଦିଲ୍ଲୀ) : ‘ଜିଏସ୍ଏଟି-୨୦’ ନାମକ ଓଜନିଆ ଯୋଗାଯୋଗ ସାଟେଲାଇଟ୍ ଉତ୍କ୍ଷେପଣ କରିବ ‘ଇସ୍ରୋ’ । ଟେଲିକମ୍ ବ୍ୟବହାରକାରୀଙ୍କୁ ଅତ୍ୟନ୍ତ ଦ୍ରୁତ ଇଣ୍ଟର୍ନେଟ୍ ସେବା ଯୋଗାଇବାକୁ ସମର୍ଥ ‘ଜିଏସ୍ଏଟି-୨୦’ର ଓଜନ ପ୍ରାୟ ୪,୭୦୦ ପାଉଣ୍ଡ୍। ଏହା ‘ଇସ୍ରୋ’ର ସବୁଠୁ ଶକ୍ତିଶାଳୀ ରକେଟ୍ ‘ଏଲ୍ଭିଏମ୍-୩’ର ଉତ୍କ୍ଷେପଣ କ୍ଷମତାଠାରୁ ଯଥେଷ୍ଟ ଭାରୀ। ୪୦୦୦ କିଲୋଗ୍ରାମ୍ରୁ ଅଧିକ ଓଜନିଆ ସାଟେଲାଇଟ୍ ବା କୃତ୍ରିମ ଉପଗ୍ରହ ଉତ୍କ୍ଷେପଣ ନିମନ୍ତେ ଭାରତ ୟୁରୋପୀୟ ଉତ୍କ୍ଷେପଣକାରୀ ସେବା ‘ଏରିଅନ୍ସ୍ପେସ୍’ ଉପରେ ନିର୍ଭର କରି ଆସୁଛି। କିନ୍ତୁ, ‘ଏରିଅନ୍ସ୍ପେସ୍’ର ଭାରୀ ସାଟେଲାଇଟ୍ ଉତ୍କ୍ଷେପଣକାରୀ ରକେଟ୍ ‘ଏରିଅନ୍-୫’ ଗତବର୍ଷ ଜୁଲାଇ ମାସରେ ଅବସର ଗ୍ରହଣ କରିଛି ଏବଂ ତା’ ସ୍ଥାନରେ ‘ଏରିଅନ୍-୬’ ଏପର୍ଯ୍ୟନ୍ତ ପ୍ରସ୍ତୁତି କରାଯାଇ ନାହିଁ।
ଓଜନିଆ ଯୋଗାଯୋଗ ସାଟେଲାଇଟ୍ ଉତ୍କ୍ଷେପଣ କରିବ ‘ଇସ୍ରୋ’
