ମୋ କଥା ପ୍ରମାଣ ନ କଲେ ପଦ୍ମଶ୍ରୀ ଫେରାଇ ଦେବି: କଙ୍ଗନା

ମୁମ୍ବାଇ : ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ପରେ ଅଭିନେତ୍ରୀ କଙ୍ଗନା ରାଣାବତ ବଲିଉଡରେ ଚାଲିଥିବା ପରିବାରବାଦକୁ ମୃତ୍ୟୁର କାରଣ କହିଥିଲେ । ଏବେ କଙ୍ଗନାଙ୍କ ଆଉ ଏକ ବୟାନ ପୁଣି ଚର୍ଚ୍ଚା ସୃଷ୍ଟି କରିଛି । ସେ କହିଛନ୍ତି ବଲିଉଡରେ ଚାଲିଥିବା ପରିବାର ସୁଶ।।ନ୍ତଙ୍କ ମୃତ୍ୟୁର କାରଣ, ଏହାକୁ ଯଦି ସେ ପ୍ରମାଣ କରି ନ ପାରନ୍ତି ତେବେ ସେ ପଦ୍ମଶ୍ରୀ ପୁରସ୍କାର ଫେରାଇ ଦେବେ । ଏହି ଘଟଣାରେ କଙ୍ଗନା ରାନାୱତଙ୍କ ବୟାନ୍ ରେକର୍ଡ କରିବାକୁ ମୁମ୍ୱାଇ ପୁଲିସ ତାଙ୍କୁ ନୋଟିସ୍ କରିଛି।
କଙ୍ଗନା କହିଛନ୍ତି, ବଲିଉଡରେ ପରିବାରବାଦ ଚାଲିଥିବା ନେଇ ଯଦି ପ୍ରମାଣ ଦେବାରେ ସେ ବିଫଳ ହୁଅନ୍ତି ତେବେ ପଦ୍ମଶ୍ରୀ ସମ୍ମାନ ଫେରାଇଦେବେ । ମୁମ୍ବାଇ ପୁଲିସର ନୋଟିସ୍ ପ୍ରସଙ୍ଗରେ କଙ୍ଗନା କହିଛନ୍ତି ଯେ ପୁଲିସ ମତେ ବୟାନ ରେକର୍ଡ ଲାଗି ଡାକିଥିଲା। ସେତେବେଳେ ମୁଁ ମନାଲିରେ ଥିଲି ଏବଂ ସେଠାରୁ ବୟାନ ଦେବାକୁ ପ୍ରସ୍ତୁତ ଥିଲି। ମାତ୍ର ପୁଲିସ ମନାଲି ଆସି ନ ଥିଲେ। ତେବେ ମୁଁ ଯାହା ଯାହା କରିଛି ସେଥିପାଇଁ ମୁ ଦାୟୀ। ଯଦି ତାହା ମୁଁ ପ୍ରମାଣ କରିପାରିବି ନାହିଁ ତେବେ ପଦ୍ମଶ୍ରୀ ଉପାଧି ଫେରାଇ ଦେବି।