ମଦ ମାଫିଆକୁ ଝଟକା, ଚୋରା ଦେଶୀ ମଦ

ମଦ ମାଫିଆଙ୍କୁ ଝଟକା। ଜଳେଶ୍ଵର ଥାନା ରାଜପୁରଠାରେ ବିଳମ୍ବିତ ରାତିରେ ଚୋରା ଦେଶୀ ମଦ ଗୋଦାମ ଉପରେ ମାଜିଷ୍ଟ୍ରେଟ ତଥା ଜଳେଶ୍ଵର ତହସିଲଦାର  ସତ୍ୟଜିତ ମହାନ୍ତିଙ୍କ ଉପସ୍ଥିତିରେ ଜିଲ୍ଲା ପୋଲିସର ସ୍ୱତନ୍ତ୍ର ଟିମର ଚଢ଼ାଉ । ଦୁଇଟି ପିକପରେ  ବିପୁଳ ପରିମାଣର ଲକ୍ଷାଧିକ ଟଙ୍କାର ଦେଶୀ ବିଦେଶୀ ମଦ ଜବତ ହୋଇଥିବା ବେଳେ କେବଳ ଦେଶୀ ମଦ ୪ ହଜାର ୫୦୦ ଲିଟର ରହିଛି।  ଏଥି ସହିତ ତିନୋଟି ଧାରୁଆ ମାରାଣସ୍ତ୍ର,  ଜରୁରୀ କାଗଜପତ୍ର, ଏବଂ ଦୁଇଟି ପିକପକୁ ପୋଲିସ ଜଳେଶ୍ଵର ଥାନା କୁ ନେଇ ଅଧିକ ତଦନ୍ତ ଜାରି ରଖିଛି  । ଅନ୍ୟପଟେ  ଜଳେଶ୍ୱର ପୋଲିସ  ରାଜପୁର ସ୍ଥିତ ବିଖ୍ୟାତ  ମଦ  ବାଦଶାହା   ସେକ ସାଜନ ଘର ଉପରେ  ତୀକ୍ଷ୍ଣ ନଜର ରଖିବା ସହିତ , ଗତ  କାଲି ରାତିରୁ  ତାର ଘରକୁ ପୋଲିସ  ଜଗିଛି।  ନା କେହି ଭିତରୁ ବାହାର କୁ ଆସିପାରିବ, କିମ୍ବା ବାହାରୁ ଭିତରକୁ କେହି  ଯାଇପାରିବ । ଦୀର୍ଘ ଦିନ ହେବ ସେକ ସାଜନ୍ ମଦ କାରବାରରେ  ଜଡିତ ଥିବା ବେଳେ ,ତାଙ୍କ ନାମରେ ପୂର୍ବରୁ  ବିଭିନ୍ନ ମହଲରେ  ଅଭିଯୋଗ ହୋଇ ଆସୁଥିଲା। ତେବେ ମାତ୍ର 500 ମିଟର ଦୂରରେ ଜଳେଶ୍ଵର  ଅବକାରୀ  ଓ ମୋବାଇଲ ସ୍କ୍ୱାର୍ଡ ଥାଇବି  କେମିତି ଟେର୍ ପାଉନି ତାହାକୁ ନେଇ ସାଧାରଣରେ ଚର୍ଚ୍ଚା।