(ଭୁବନେଶ୍ୱର) : ଆସନ୍ତା ନଭେମ୍ବର ୧୦ ଏବଂ ୧୧ ରେ ମିଲେଟସ୍ ଉପରେ ଏକ ଆନ୍ତର୍ଜାତୀୟ ସମ୍ମିଳନୀ ଆୟୋଜନ କରିବାକୁ ଓଡ଼ିଶା ପ୍ରସ୍ତୁତ ହେଉଛି । ଏହି ପରିପେକ୍ଷୀରେ ମାନ୍ୟବର ସିଏମ୍ ଶ୍ରୀ ନବୀନ ପଟ୍ଟନାୟକ କହିଛନ୍ତି ଯେ ଜାତୀୟ ତଥା ଆନ୍ତର୍ଜାତୀୟ ସ୍ତରରେ ମିଲେଟ ପାଇଁ ରୋଡମ୍ୟାପ ବିକାଶରେ ଓଡିଶା ଆଗେଇ ଆସିବା ଉଚିତ । ଏହି ସମ୍ମିଳନୀର ବିଷୟବସ୍ତୁ ହେଉଛି ‘ମିଲେଟସ୍ – ଆଧୁନିକ ଚ୍ୟାଲେଞ୍ଜ ପାଇଁ ପ୍ରାଚୀନ ଶସ୍ୟ’ ।
ସୂଚନାନୁଯାୟୀ , ଏହି କାର୍ଯ୍ୟକ୍ରମର ଲକ୍ଷ୍ୟ ହେଉଛି ଓଡ଼ିଶାର ମିଲେଟ ଏବଂ ଆଦିବାସୀ ସମ୍ପ୍ରଦାୟର ଦିଗକୁ ଆଲୋକିତ କରିବା। ଏହି ସମ୍ମିଳନୀରେ ପ୍ରାୟ ୪୦୦୦ ରୁ ୫୦୦୦ କୃଷକ, ମହିଳା SHG ସଦସ୍ୟ, କୃଷକ-ଉତ୍ପାଦକ ସଂଗଠନ ଯୋଗଦେବେ । ଏହି ସମ୍ମିଳନୀରେ ଆଦିବାସୀ ସଂସ୍କୃତି, ଆଦିବାସୀ ରୋଷେଇ, ମିଲେଟ ବିବିଧତା, ବ୍ୟବସାୟରୁ ବ୍ୟବସାୟ ଅଧିବେଶନ, ରାଉଣ୍ଡ ଟେବୁଲ, ବୈଷୟିକ ଅଧିବେଶନ, ଯନ୍ତ୍ରପାତି ଉପରେ ପ୍ରଦର୍ଶନ, ପ୍ୟାକେଜିଂ ଟେକ୍ନୋଲୋଜି ଏବଂ କୃଷକମାନଙ୍କ ପାଇଁ ସ୍ୱତନ୍ତ୍ର ଅଧିବେଶନ, ଆନ୍ତର୍ଜାତୀୟ ମିଲେଟ ଖାଦ୍ୟ ମହୋତ୍ସବ ଏବଂ କଳା ଏବଂ ସଂସ୍କୃତି ପ୍ରଦର୍ଶିତ ହେବ ।
