(ସମ୍ବଲପୁର) : ନୂଆବର୍ଷରେ ଏଣିକି ସମଲେଶ୍ୱରୀ ମନ୍ଦିରରେ ପାନ-ଗୁଡୁଖାକୁ ନିଷେଧ । ଏହା ପୂର୍ବରୁ ପୁରୀ ଶ୍ରୀମନ୍ଦିର, ଲିଙ୍ଗରାଜ ମନ୍ଦିରରେ ପାନଗୁଟଖା ବ୍ୟାନ୍ କରାଯାଇଥିଲା । ଏଣିକି ମନ୍ଦିର ଭିତରକୁ ନେବା ତ ଦୂରର କଥା ଯଦି କୌଣସି ବ୍ୟକ୍ତି ଗୁଡଖା ଖାଇ ଥିବେ ତେବେ ମଧ୍ୟ ସେ ମନ୍ଦିର ମଧ୍ୟକୁ ପ୍ରବେଶ କରିପାରିବେ ନାହିଁ ।
ସୂଚନାନୁଯାୟୀ , ଖୁବ୍ ଶୀଘ୍ର ଏହି ନିୟମ ଲାଗୁ କରାଯିବା ନେଇ ମନ୍ଦିର ଟ୍ରେଷ୍ଟ ବୋର୍ଡ ପକ୍ଷରୁ ନିଷ୍ପତ୍ତି ନିଆଯାଇଛି । ସେହିପରି ଆଗମୀ ଦିନରେ ମା’ସମଲେଶ୍ୱରୀ ମନ୍ଦିରକୁ ପ୍ଲାଷ୍ଚିକ ମୁକ୍ତ କରିବା ପାଇଁ ଯୋଜନା ରହିଛି । ଏଣକି ଭୋଗ ନେବା ପାଇଁ ପ୍ଲାଷ୍ଟିକ ବଦଳରେ ଫୁଲ ଏବଂ ଭୋଗ ନେବା ପାଇଁ କାଗଜ ବ୍ୟାଗ୍, କପଡା ବ୍ୟାଗ୍, ଚାଙ୍ଗୁଡି ଆଦିର ବ୍ୟବହାର କରାଯିବ ।
