ଚାଷ ଜମିରୁ ଶବ ଉଦ୍ଧାର ଘଟଣାରେ ପୁଲିସ ପକ୍ଷରୁ ତଦନ୍ତ ଆରମ୍ଭ । ଗୁରୁବାର ଦିନ ପୋଟେସ ଗ୍ରାମର ଏକ ଚାଷ ଜମିରୁ ପୋଟେସ ଗ୍ରାମର ଅଲେଖ ନିଆଲ ନାମକ ୫୩ ବର୍ଷ ବୟସ୍କ ବ୍ୟକ୍ତିଙ୍କ ମୃତ ଦେହ ଉଦ୍ଧାର ହେଇଛି । ମୃତ ଦେହଟି ଚାଷ ଜମିରେ ହିଁ ପଡିଥିଲା । ସକାଳେ ଘରେ ଜଳ ଖିଆ ଖାଇ ସାରିବା ପରେ ଅଲେଖ ନିଜ ଚାଷ ଜମିକୁ ଯାଇଥିଲା । କିନ୍ତୁ ପରବର୍ତି ସମୟରେ ସେ ଆଉ ଘରକୁ ଫେରିନଥିଲା । ପରିବାର ଲୋକ ତାକୁ ଖୋଜା ଖୋଜି କରିବା ବେଳେ ଚାଷ ଜମିରେ ତାର ମୃତ ଦେହ ପଡିଥିଲା । ସମ୍ପର୍କୀୟଙ୍କୁ ଏନେଇ ଖବର ଦେବା ପରେ ଘଟଣାସ୍ଥଳରେ ପରିବାର ଲୋକ ଏବଂ ସମ୍ପର୍କୀୟମାନେ ପହଂଚିଥିଲେ ।
ଶବଟିକୁ ଦେଖିଲେ ଲାଗୁଥିଲା କି ଏହା ଏକ ହତ୍ୟା । ତେଣୁ ପରିବାର ଲୋକ ଏହା ଏକ ହତ୍ୟା ଘଟଣା ବୋଲି ଅଭିଯୋଗ କରିବା ସହ କଲମପୁର ପୁଲିସ ନିକଟରେ ଜଣାଇଥିଲେ । ପୁଲିସ ଘଟଣାସ୍ଥଳରେ ପହଂଚି ପାରିପାର୍ଶ୍ଵକ ଅବସ୍ଥା ଦେଖିବା ପରେ ଶବକୁ ଜବତ କରିବା ସହ ତଦନ୍ତ ଜାରି ରଖିଛନ୍ତି ।
