ଭୁବନେଶ୍ୱର: ୨୦୨୦-୨୦୨୧ରେ ସରକାରଙ୍କ ରାଜସ୍ୱ ପ୍ରାପ୍ତି ସମୁଦାୟ ଘରୋଇ ଉତ୍ପାଦର ୨୦.୪୯ ପ୍ରତିଶତ ରହିଛି। ରାଜ୍ୟର ରାଜସ୍ୱ ବ୍ୟୟ ଜିଏସଡିପିର ୧୮ ପ୍ରତିଶତ ରହିଥିଲା। ଯାହାକି ୨୦୧୯ -୨୦ ତୁଳନାରେ ୩.୮୬ ପ୍ରତିଶତ ହ୍ରାସ ପାଇଛି। ଏହି ସମୟରେ ନିଜସ୍ୱ ଟିକସ ରହିଥିଲା ୩୪ ହଜାର ୨୫୮ କୋଟି ଟଙ୍କା। ଯାହାକି ପୂର୍ବବର୍ଷ ତୁଳନାରେ ୬.୦୧ ପ୍ରତିଶତ ବୃଦ୍ଧି ପାଇଥିଲା ।
ସେହିପରି ଅଣ ଟିକସ ରାଜସ୍ୱ ପୂର୍ବବର୍ଷ ତୁଳନାରେ ୩୩.୨୬ ପ୍ରତିଶତ ବୃଦ୍ଧି ପାଇଛି। ୨୦୨୧ ସୁଦ୍ଧା ରାଜ୍ୟ ସରକାରଙ୍କ ପାଖରେ ୩୨ ହଜାର ୬୩୬ କୋଟି ଟଙ୍କା ନଗଦ ଅର୍ଥ ରାଶି ଜମା ଥିଲା । ବିତିୟ ନିଅଣ୍ଟ ରାଜ୍ୟ ହୋଇ ମଧ୍ୟ ନିୟମିତ ଭାବେ ରାଜ୍ୟ ସରକାର ବହୁଳ ପରିମାଣରେ ନଗଦ ଅର୍ଥ ରଖି ଆସୁଛନ୍ତି।ଅନ୍ୟପକ୍ଷେ ୧୧ଟି ଅନୁଦାନରେ ଶତପ୍ରତିଶତ ସମର୍ପଣ କରାଯାଇଥିଲା। ୨୦୨୧ ମାର୍ଚ୍ଚ ୩୧ ସୁଦ୍ଧା ୮୧୧ ଟିଟିଡିପି ଖାତାରେ ୭ ହଜାର ୪୭ କୋଟି ଟଙ୍କା ବ୍ୟୟ ନହୋଇ ଅବଶେଷ ରହିଥିଲା ।
ପୂର୍ବବର୍ଷ ତୁଳନାରେ ପିଡି ଆକାଉଣ୍ଟ ଗୁଡ଼ିକର ଅନାବଶ୍ୟକ ବାଲାନ୍ସରେ ୬୬.୨୮ ପ୍ରତିଶତ ହ୍ରାସ ଘଟିଛି।ମୁଖ୍ୟତଃ ଓଡ଼ିଶା ମିନେରାଲ୍ ବିଅରିଙ୍ଗ୍ ଡେଭଲପମେଣ୍ଟ କର୍ପୋରେସନ ( ଓଏମବିଏଡିସି) ପୃଥକ ବିନିଯୋଗ ଆକାଉଣ୍ଟ ଖୋଲିବା ଏବଂ ୧୬ ହଜାର ୭୫୮ କୋଟି ଟଙ୍କା ବିନିଯୋଗ କରିବା ଏବଂ ଓଏମବିଏଡିସିର ପିଡି ଆକାଉଣ୍ଟରେ ୪୧୪.୮୫ କୋଟି ଟଙ୍କା ଛାଡ଼ିବା ବାକି ରହିଛି।
