ନୂଆଦିଲ୍ଲୀ: ଗୁରୁତର କରୋନା ରୋଗୀ କିମ୍ୱା ଅକ୍ସିଜେନ ଆବଶ୍ୟକ କରୁଥିବା ଆକ୍ରାନ୍ତଙ୍କ ପାଇଁ ଜାଏଡସ କାଡିଲା କମ୍ପାନୀ ଦ୍ୱାରା ପ୍ରସ୍ତୁତ ‘ଭିରାଫିନ୍’ର ଦାମ ଘୋଷଣା କରିଛି କମ୍ପାନୀ । ଭିରାଫିନର ଦାମ ୧୧,୯୯୫ ଟଙ୍କା ରଖିଛି କମ୍ପାନୀ । ଗତମାସରେ ଡିଜିସିଏ ଏହି ଔଷଧକୁ ଅନୁମତି ଦେଇଥିଲା ।
ସାରା ଦେଶରେ କରୋନାର ଦ୍ୱିତୀୟ ଲହର ଭୟଙ୍କର ରୂପ ନେଇଛି । କରୋନା ଉପରେ ନିୟନ୍ତ୍ରଣ ଆଣିବା ଲକ୍ଷ୍ୟରେ କେନ୍ଦ୍ର ଟୀକାକରଣକୁ ଜୋରଦାର କରିଛନ୍ତି । କିନ୍ତୁି ଦେଶରେ ଯେତିକି ଟୀକା ପ୍ରସ୍ତୁତ କରାଯାଉଛି ତାହା ଯଥେଷ୍ଟ ରହୁନାହିଁ । ତେଣୁ ବିଦେଶରେ କେନ୍ଦ୍ର ସରକାର ଟୀକା ଆମଦାନୀ କରୁଛି । ଟୀକାକରଣର ବ୍ୟାପକତାକୁ ନେଇ ଭିରାଫିନକୁ ମଧ୍ୟ ସ୍ୱୀକୃତି ଦିଆଯାଇଛି । ଏହା ମୃତ୍ୟୁହାରକୁ କମାଇଦେବା ସହ ଅକ୍ସିଜେନ ଅଭାବ ଦୂର କରିବ ବୋଲି କମ୍ପାନୀ ଜାଏଡସ କାଡିଲା କହିଛି । ଭିରାଫିନ୍ ପେଗିଲେଟେଡ୍ ଇଣ୍ଟରଫେରନ୍ ଆଲଫା-୨ ପ୍ଲାଜମିଡ ଆଧାରିତ ଏକ ପ୍ରକାର ଟୀକା। ତେବେ ଏହି ଟୀକାର ୩ଟି ଡୋଜ ନେବାକୁ ପଡିବ ।
ଭିରାଫିନର ତୃତୀୟ ପର୍ୟ୍ୟାୟ ପରୀକ୍ଷା ଶେଷ ହୋଇଛି ଏହା କରୋନା ନିରାକରଣରେ ରାମବାଣ ସାବ୍ୟସ୍ତ ହୋଇଥିବା କମ୍ପାନୀ ପକ୍ଷରୁ ଦାବି କରାଯାଇଛି । ଆଗାମୀ ଦିନରେ ଏହି ଟୀକାର ଚାହିଦା ଅଧିକ ହେବ ବୋଲି କୁହାଯାଉଛି। ଚଳିତ ମାସ ଶେଷ କିମ୍ବା ଜୁଲାଇ ଆରମ୍ଭରେ ଏହା ଉପଲବ୍ଧ ହେବ ବୋଲି ଜଣାପଡ଼ିଛି।
