(ନରୱେର): ତିମିକୁ ଦେଖି ଅବାକ ହୋଇଗଲେ ଲୋକେ । ଏହା ଯେତିକି କୌତୁହଳ ଥିଲା ସେତିକି ସନ୍ଧେହଜନକ ୨୦୧୯ରେ ନରୱେଠାରେ ଦେଖାଯାଇଥିବା ଏକ ବିଶାଳ ତିମିକୁ ରୁଷ୍ ନୌସେନା ପକ୍ଷରୁ ତାଲିମ ଦେଇ ଗୁପ୍ତଚର କାର୍ଯ୍ୟରେ ନିୟୋଜିତ କରାଯାଇଥିବା ସନ୍ଦେହ କରାଯାଉଥିଲା। କାରଣ ଏହି ତିମି ବେକରେ ଏକ ମଣିଷନିର୍ମିତ ଫିତା ଓ କ୍ୟାମେରା ବନ୍ଧାଯାଇଥିବା ଦେଖିବାକୁ ମିଳିଥିଲା। ତିମିଟି ଆଜିକାଲି ଏତେ ଦ୍ରୁତଗତିରେ ନିଜ ପ୍ରାକୃତିକ ଆବାସସ୍ଥଳରୁ ଦୂରରେ କାହିଁକି ବୁଲୁଛି ତାହା ବୁଝାପଡ଼ୁ ନାହିଁ। ତିମିଟିର ବୟସ ୧୩-୧୪ ବର୍ଷ ହେବ।
ସୂଚନାନୁଯାୟୀ , ନରୱେର ଉତ୍ତରାଞ୍ଚଳ ଫିନମାର୍କରେ ଏହି ତିମି ପ୍ରଥମେ ଦେଖିବାକୁ ମିଳିଥିଲା। ନରୱେ ଭାଷାରେ ଏହି ତିମିର ନାମ ଦିଆଯାଇଥିଲା ‘ହ୍ବାଲ୍ଦିମିର’। ନରୱେ ଉପକୂଳରେ ତିନିବର୍ଷ ବୁଲିବା ପରେ ଏହା ଦ୍ରୁତଗତିରେ ଏବେ ସ୍ବିଡେନ ଅଞ୍ଚଳକୁ ଚାଲିଆସିଛି। ରବିବାର ସ୍ବିଡେନର ଦକ୍ଷିଣ-ପଶ୍ଚିମ ଉପକୂଳ ଅଞ୍ଚଳ ହନେବୋଷ୍ଟ୍ରାଣ୍ଡରେ ଏହା ଦେଖିବାକୁ ମିଳିଥିଲା।ଏହି ତିମି ମଣିଷ ସହ ଅଭ୍ୟସ୍ତ ଥିବା ଜଣାପଡ଼ୁଥିବାରୁ ଏହାକୁ ରୁଷୀୟ ନୌସେନା ପକ୍ଷରୁ ତାଲିମ ଦେଇ ଗୁପ୍ତଚର କାର୍ଯ୍ୟରେ ନିୟୋଜିତ କରାଯାଇଥିବା ସନ୍ଦେହ କରାଯାଉଛି।
