ୱାଶିଂଟନ୍ : ସମାଜରେ ଶିକ୍ଷାଦାତାଙ୍କୁ ସର୍ବଦା ଭଗବାନଙ୍କ ଆକ୍ଷା ଦିଆଯାଏ । ତାଙ୍କୁ ପୂଜା କରାଯାଏ । କିନ୍ତୁ ଏମିତି କିଛି ଘଟିଯାଇଛି ଯାହା ଗୁରୁଶିଶ୍ୟ ସମ୍ପର୍କରେ କଳା ଦାଗ ଲାଗଇଦେଇଛି । ହଁ ଦର୍ଶକ ବନ୍ଧୁ, ଛାତ୍ରଙ୍କ ସହ ଶିକ୍ଷୟିତ୍ରୀଙ୍କ ଯୌନ ସଂପର୍କ ଏବେ ପଦାରେ ପଡିଛି । ଏଭଳି ସଙ୍ଗିନ ଘଟଣା ସାମ୍ନାକୁ ଆସିବା ପରେ ୨ ଦିନରେ ଗିରଫ ହୋଇଛନ୍ତି ୬ ଜଣ ଶିକ୍ଷୟତ୍ରୀ । ଏଭଳି ଘଟଣା ସାମ୍ନାକୁ ଆସିଛି ଆମେରିକାରେ । ଜଣେ ୩୮ ବର୍ଷୀୟା ଶିକ୍ଷୟିତ୍ରୀ ଏଲେନ ଶେଲ୍ଙ୍କ ନାଁରେ ଥାର୍ଡ ଡିଗ୍ରୀ ରେପ୍ ଦଫା ଲାଗିଛି। ୨
ଜଣ ୧୭ ବର୍ଷୀୟ ବାଳକଙ୍କ ସହ ଜୋର ଜବରଦସ୍ତ ଯୌନ ସଂପର୍କ ରଖିଥିଲେ ଏଲେନ। ତାଙ୍କ ବିରୋଧରେ ଆପରାଧିକ ମାମଲା ହୋଇଛି। ତେବେ ଏଲେନ ଉଡଲନ୍ ହେଉଛନ୍ତି ପ୍ରାଥମିକ ସ୍କୁଲର ଶିକ୍ଷୟତ୍ରୀ । ଅନ୍ୟ ଜଣେ କ୍ଷିୟକ୍ଷିତ୍ରୀ କ୍ରିଷ୍ଟେନ ଗାଣ୍ଟ ଜଣେ ନାବାଳକ ସହ ୫ ଥର ଯୌନ ସଂପର୍କ ରଖିଥିଲେ । ସେ ପୁଣି ସ୍କୁଲ ଭିତରେ । କେବଳ ସ୍କୁଲ ଭିତରେ ନୁହେଁ ବରଂ ସ୍କୁଲ ବାହାରେ ମାଧ୍ୟ ତାଙ୍କ ସହ ଯୌନ ସଂପର୍କ ରଖିଥିଲେ । ଗିରଫ କ୍ରିଷେ୍ଟନଙ୍କ ବୟସ ୩୬ ବର୍ଷ। ଗିରଫ ହୋଇଥିବା ୬ ଶିକ୍ଷୟିତ୍ରୀଙ୍କ ମଧ୍ୟରୁ ୪ ଜଣଙ୍କ ବୟସ ୩୦ରୁ ୪୦ ବର୍ଷ ମଧ୍ୟରେ । ଦୁଇ ଜଣଙ୍କ ବୟସ ୨୫ ରୁ ୩୦ ବର୍ଷ ମଧ୍ୟରେ । ସମସ୍ତଙ୍କ ବିରୋଧରେ ଦୁଷ୍କର୍ମ ମାମଲା ଦାୟର ହୋଇଛି। ଏମାନେ ସମସ୍ତେ ଛାତ୍ରଙ୍କ ସହ ଏକାଧିକ ଥର ଯୌନ ସଂପର୍କ ରଖିଥିବା ଅଭିଯୋଗ ହୋଇଥିଲା।
