(ଦିଲ୍ଲୀ) : ଡିସେମ୍ବରର ଦ୍ୱିତୀୟ ସପ୍ତାହରୁ ଆରମ୍ଭ ହେବ ସଂସଦର ଶୀତ ଅଧିବେଶନ । ତେବେ ଏହା ଡିସେମ୍ବର ୨୫ ପୂର୍ବରୁ ଶେଷ ହେବାର ଆଶଙ୍କା ରହିଛି । ଏନେଇ ବୁଧବାର ଦିନ ପିଟିଆଇ ସୂଚନା ଦେଇଛି । ସଂସଦର ଶୀତ ଅଧିବେଶନ ସାଧାରଣତଃ ନଭେମ୍ବରର ତୃତୀୟ ସପ୍ତାହରେ ଆରମ୍ଭ ହୁଏ ଏବଂ ଖ୍ରୀଷ୍ଟମାସ ପୂର୍ବରୁ ଏହା ଶେଷ ହୋଇଥାଏ ।
ସୂଚନାନୁଯାୟୀ , ତେଲେଙ୍ଗାନା, ରାଜସ୍ଥାନ, ଛତିଶଗଡ, ମିଜୋରାମ ଏବଂ ମଧ୍ୟପ୍ରଦେଶ ଅର୍ଥାତ୍ ଡିସେମ୍ବର 3 ରେ ବିଧାନସଭା ନିର୍ବାଚନର ଫଳାଫଳ ପ୍ରକାଶ ପାଇବାର କିଛି ଦିନ ପରେ ଶୀତ ଅଧିବେଶନ ଆରମ୍ଭ ହେବାର ସମ୍ଭାବନା ରହିଛି । ବିରୋଧୀ ତଥା ପୂର୍ବତନ ମୁଖ୍ୟ ନିର୍ବାଚନ କମିଶନରଙ୍କ ବିରୋଧ ମଧ୍ୟରେ ସଂସଦର ସ୍ୱତନ୍ତ୍ର ଅଧିବେଶନରେ ମୌସୁମୀ ଅଧିବେଶନରେ ଉପସ୍ଥାପିତ ହୋଇଥିବା ଏହି ବିଲ୍ ପାସ୍ କରିବାକୁ ସରକାର କୌଣସି ଦାବି ରଖି ନାହାଁନ୍ତି । ଏହି ବିଲ୍ ମାଧ୍ୟମରେ ସରକାର ମୁଖ୍ୟ ନିର୍ବାଚନ କମିଶନର ଏବଂ ନିର୍ବାଚନ କମିଶନରଙ୍କ ସ୍ଥିତିକୁ କ୍ୟାବିନେଟ ସଚିବଙ୍କ ସହ ସମାନ କରିବାକୁ ଚାହୁଁଛନ୍ତି।
