(ମହାଭାରତ): ଆଉ କିଛି ଦିନ ପରେ ରାଜ୍ୟରେ ଗରମର ପ୍ରଭାବ ବୃଦ୍ଧି ପାଇବ । ଏହାସହ ପିଲା ମାନଙ୍କର ଗ୍ରୀଷ୍ମକାଳୀନ ଛୁଟି ହୋଇଯିବ । ଯଦି ଏହି ଛୁଟିରେ ଆପଣ ମାନେ କୁଆଡ଼େ ବୁଲିବାକୁ ଯିବାକୁ ଚାହୁଁଛନ୍ତି ତେବେ ଦାର୍ଜିଲିଙ୍ଗ ଯାଆନ୍ତୁ ।
ଦାର୍ଜିଲିଙ୍ଗ ପଶ୍ଚିମବଙ୍ଗରେ ଥିବା ସିଲିଗୁଡ଼ା ଠାରୁ ୮୦ କିଲୋମିଟର ଦୂରରେ ଅବସ୍ଥିତ । ପାହାଡ଼ର ଶିଖରରେ ଅବସ୍ଥିତ ଦାର୍ଜିଲିଙ୍ଗ ଏକ ସୁନ୍ଦର ଅନୁଭୂତି ପ୍ରଦାନ କରିଥାଏ ।ଦାର୍ଜିଲିଙ୍ଗ ନଗର ଦାର୍ଜିଲିଙ୍ଗ ଜିଲ୍ଲାର ମୁଖ୍ୟ ନଗର ଅଟେ । ଏହା ଶିବାଲିକ ପାହାଡ଼ର ଲୋବର ହିମାଳୟରେ ଅବସ୍ଥିତ ଅଟେ । ଏହାର ଉଚ୍ଚତା୨,୧୩୪ ମିଟର (୬,୯୮୨ ଫୁଟ) ଅଟେ ।
ଦାର୍ଜିଲିଙ୍ଗ ଶଦ୍ଦ ତିବତୀ ଭାଷାର ଦୁଇଟି ଶଦ୍ଦ ‘ଦୋର୍ଜ’ ଓ ‘ଲିଙ୍ଗ’ର ମିଳିତରେ ଦାର୍ଜିଲିଙ୍ଗ ହୋଇଛି । ‘ଦୋର୍ଜ’ର ଅର୍ଥ ‘ଓଲା’ ବା ‘ଉପଳ’ ଓ ‘ଲିଙ୍ଗ’ର ଅର୍ଥ ହେଉଛି ‘ସ୍ଥାନ’ । ଦାର୍ଜିଲିଙ୍ଗ ଏଭଳି ଏକ ଜାଗା ଯେଉଁଠାରେ ସବୁ ବେଳେ ଥଣ୍ଡାର ବାତାବରଣ ସୃଷ୍ଟି କରିଥାଏ । ଦାର୍ଜିଲିଙ୍ଗ ହିଲ ଷ୍ଟେସନ ଇଂରେଜ ଶାସନ କାଳ ସମୟରୁ ବିକଶିତ ହୋଇଛି ।
ଦାର୍ଜିଲିଙ୍ଗ କେବଳ ଭାରତରେ ନୁହେଁ ସାରା ଦୁନିଆର ମାନଚିତ୍ରରେ ଏକ ବିଶିଷ୍ଟ ସ୍ଥାନ ହାସଲ କରିଛି । ଦାର୍ଜିଲିଙ୍ଗ ପାହାଡ଼ ତଳେ ଯେଉଁ ଚା ଚାଷ କରାଯାଏ ତାହା ସବୁଆଡ଼େ ପ୍ରସିଦ୍ଧ ।
କେମିତି ଯିବେ:
ଦାର୍ଜିଲିଙ୍ଗ ସହର ସହିତ ଅନେକ ବିମାନବନ୍ଦର ଯୋଡ଼ି ହୋଇ ରହିଛି । ସିଲିଗୁଡ଼ା ଏହାର ନିକବର୍ତ୍ତୀ ବିମାନବନ୍ଦର ଅଟେ । ଯାହା ବିମାନବନ୍ଦର ନିକଟରୁ ୯୦ କିଲୋମିଟର ଦୂର ଅଟେ । ଆପଣ କାର କିମ୍ବା ବସରେ ୨ଘଣ୍ଟା ମଧ୍ୟରେ ଦାର୍ଜିଲିଙ୍ଗରେ ପହଞ୍ଚିପାରିବେ ।
