(ମହାଭାରତ, ସତ୍ୟବାଦୀ): ସାକ୍ଷୀଗୋପାଳ ଉପଖଣ୍ଡ ଜଳ ସେଚନ ବିଭାଗ ଅଧିନରେ ଥିବା ୩୯ ନମ୍ବର ମାଧେଶ୍ୱର ପାଣି ପଞ୍ଚାୟତର ନୂତନ କର୍ମକର୍ତ୍ତା ଗଠନ କରାଯାଇଛି । ଏଥିପାଇଁ ପୁରୀ ଜଳସେଚନ ଡିଭିଜନର ନିର୍ବାହୀ ଯନ୍ତ୍ରୀ ପ୍ରମୋଦ କୁମାର ରାଉତ ନିର୍ଦ୍ଦେଶ ଦେଇଥିଲେ । ପାଟେଳି ଜଳ ସେଚନ ବିଭାଗ କାର୍ଯ୍ୟାଳୟ ପରିସରରେ ସାକ୍ଷୀଗୋପାଳ ଜଳ ସେଚନ ବିଭାଗର ଏସଡିଓଙ୍କ ତତ୍ତ୍ୱାବଧାନରେ ଏକ ବୈ÷ଠକ ଅନୁଷ୍ଠିତ ହୋଇଥିଲା । ରାଜ୍ୟ ସରକାରଙ୍କ ଆଇନ ଅନୁଯାୟୀ ପ୍ରତି କମିଟିରେ ୩୩ ଭାଗ ମହିଳା ରହିବେ ବୋଲିି ଏସଡିଓ ସୂଚନା ପ୍ରଦାନ କରିଥିଲେ । ଏଥିରେ ଉପସ୍ଥିତ ଥିବା ସମସ୍ତ ସଭ୍ୟସଭ୍ୟାଙ୍କ ସଭାପତି ଭାବେ ଓକିଲ ସେନାପତି, ସମ୍ପାଦକ ଭାବେ ନକୁଳ ସେନାପତି ଓ କୋଷାଧ୍ୟକ୍ଷ ଭାବେ ବିଶ୍ୱମ୍ବର ଜେନା ପ୍ରାର୍ଥୀ ପତ୍ର ଦାଖଲ କରିଥିଲେ । ଶେଷରେ ନିର୍ବାଚନ ଅଧିକାରୀର ଦାୟିତ୍ୱ ତୁଲାଉଥିବା ପାଟେଳି ଡିଭିଜନ ସହକାରୀ ଯନ୍ତ୍ରୀ ନିର୍ବାଚିତ ପ୍ରାର୍ଥୀଙ୍କ ନାମ ଘୋଷାଣା କରିଥିଲେ । ଶୁକଳ ଗ୍ରାମପଞ୍ଚାୟତର ସମିତିସଭ୍ୟ ଜଳନ୍ଧର ସେଠୀ ସେଠାରେ ଉପସ୍ଥିତ ରହି ନୂତନ ପାଣି ପଞ୍ଚାୟତ ସଦସ୍ୟମାନଙ୍କୁ ସ୍ୱାଗତ ଜଣାଇଥିଲେ ।
ମାଧେଶ୍ୱର ପାଣି ପଞ୍ଚାୟତର ନୂତନ କର୍ମକର୍ତ୍ତା କମିଟି ଗଠନ
