ଭୁବନେଶ୍ୱର: ବହୁ ଚର୍ଚ୍ଚିତ ଏସିଏଫ ସୌମ୍ୟ ମୃତ୍ୟୁ ମାମଲା କେନ୍ଦ୍ର ଦ୍ୱାରସ୍ଥ ହେଲେ ଭାରତୀୟ ବିକାଶ ପରିଷଦର ଜଗତସିଂହପୁର ଜିଲ୍ଲା ସଭାପତି ସୁବ୍ରତ ଦାଶ । ଗତ ୧୨।୭। ୨୦୨୧ରେ ସୌମ୍ୟଙ୍କର ମୃତ୍ୟୁ ହୋଇଥିଲା । ଏହି ମାମଲାରେ ସୌମ୍ୟଙ୍କ ପରିବାର ଯୋଜନାବଦ୍ଧ ହତ୍ୟା ଅଭିଯୋଗ ଆଣି ଆସୁଥିଲେ ମଧ୍ୟ ପୁଲିସର ତଦନ୍ତ ପ୍ରଭାବିତ ହୋଇଥିବା ରାଜ୍ୟବ୍ୟାପି ଚର୍ଚ୍ଚା ହେଉଛି । ତେଣୁ ସୌମ୍ୟଙ୍କୁ ନ୍ୟାୟ ଦେବାକୁ ଓ ତଦନ୍ତକୁ ସଠିକ ମର୍ଗରେ କରିବାକୁ ସୁବ୍ରତ ଆବେଦନ କରିଛନ୍ତି । କିଛି ଦିନତଳେ ଭାରତୀୟ ବିକାଶ ପରିଷଦର ରାଜ୍ୟ ସଭାପତି ସୁରେନ୍ଦ୍ର ପାଣିଗ୍ରାହୀ ଓଡିଶା ହାଇକୋର୍ଟରେ ଏକ ଜନସ୍ୱାର୍ଥ ମାମଲା ରୁଜୁ କରିଥିଲେ ।
ଅନ୍ୟପଟେ ଆଜି ଏକ ୪ ଜଣିଆ ଟିମ ବିଦ୍ୟାଭାରତୀଙ୍କ ପାରଳାଖେମୁଣ୍ଡି ଥାନା ଅଧିକାରୀ ବିବେକାନନ୍ଦ ସ୍ୱାଇଁଙ୍କ ନେତୃତ୍ୱରେ ୪ ଜଣିଆ ପୁଲିସ ଟିମ୍ ବିଦ୍ୟାଭାରତୀଙ୍କୁ ଜେରା କରିଛି। ଦୀର୍ଘ ୪ ଘଣ୍ଟା ଧରି ପଚରାଉଚରା କରାଯାଇଛି । ବିଦ୍ୟାଙ୍କ ସହ ତାଙ୍କ ପରିବାର ଲୋକଙ୍କୁ ମଧ୍ୟ ପଚରାଉଚରା କରାଯାଇଛି। ସୌମ୍ୟ ଯେଉଁଦିନ ପୋଡ଼ି ଯାଇଥିଲେ, ସେହିଦିନ ବିଦ୍ୟାଭାରତୀଙ୍କୁ ଆଣିବାକୁ ଯାଇଥିବା ଗାଡ଼ି ଚାଳକଙ୍କୁ ବି ପୁଲିସ ଜେରା ହୋଇଥିବା ସୂଚନା ମିଳିଛି।
