୨୦ଜଣ ସରପଞ୍ଚଙ୍କ ସହ କଥା ହେଲେ ମୁଖ୍ୟମନ୍ତ୍ରୀ

(ବିଜୟ କୁମାର ଧାରୁଆ/ ପାଟଣା): କେନ୍ଦୁଝରଜିଲ୍ଲା ପାଟଣାବ୍ଲକର ୨୦ ଜଣ ସରପଞ୍ଚ ବୁଧବାର ବ୍ଲକ ଭିସି କକ୍ଷରୁ ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସହ ସିଧାସଳଖ କଥା ହୋଇଛନ୍ତି । ଏହି ଭିଡିଓ କନଫରେସିଂରେ କରୋନା ଭାଇରସକୁ କିପରି ଗାଁ ଗୁଡିକରୁ ଦୂରେଇ ରଖି ହେବ ସେ ନେଇ ଆଲୋଚନା ହୋଇଥିଲା । ଏଥିସହ ନିଜ ଅଞ୍ଚଳରୁ ବାହାର ରାଜ୍ୟକୁ କାମ କରିବାକୁ ଯାଇ ଫସିଥିବା ବ୍ୟକ୍ତିଙ୍କ ପଞ୍ଜୀକରଣ, ସେମାନଙ୍କୁ ନିଜ ପଞ୍ଚାୟତରେ କ୍ୱାରେଣ୍ଟାଇନ୍ରେ ରଖିବା, ସେମାନଙ୍କ ଚିକିତ୍ସା, ଖାଇବା ପିଇବା ସୁବିଧା କରିବା ଓ ୧୪ ଦିନ କ୍ୱାରାଣ୍ଟାଇନ୍ ଅବଧି ସମ୍ପୂର୍ଣ୍ଣ କରିଥିବା ବ୍ୟକ୍ତିଙ୍କୁ ପ୍ରୋତ୍ସାହନ ରାଶି ୨ ହଜାର ଟଙ୍କା ଯୋଗାଇ ଦେବା ପାଇଁ ବିସ୍ତୃତ ଆଲୋଚନା ହୋଇଥିଲା। ଏହି କାର୍ୟ୍ୟକ୍ରମରେ ପାଟଣା ବିଡିଓ ଈଶ୍ୱର ଚନ୍ଦ୍ର ନାଏକ ଓ ଜିପିଓ ରଶ୍ମୀରେଖା ମହାନ୍ତି ଉପସ୍ଥିତ ଥିଲେ।