ଘରଭଡା ଉପରେ ଦେବାକୁ ପଡିବ ୧୮ ପ୍ରତିଶତ ଜିଏସଟି

ନୂଆଦିଲ୍ଲୀ: ଜୁଲାଇ ୧୮ରୁ ଲାଗୁ ହୋଇଥିବା ନୂଆ ଜିଏସଟି ନିୟମ ଅନୁଯାୟୀ ଭଡାଟିଆମାନେ ଆବାସିକ ଭଡା ପାଇଁ ୧୮ ପ୍ରତିଶତ ଜିଏସଟି ଦେବାକୁ ପଡିବ। ତଥାପି ସରକାର ସ୍ପଷ୍ଟ କରିଛନ୍ତି ଯେ ଆବାସିକ ୟୁନିଟରେ ଥିବାବେଳେ ଜିଏସଟି ଆଦାୟ କରାଯିବ। ଶୁକ୍ରବାର ସରକାର କହିଛନ୍ତି ଯେ ମାଲିକ ଓ ଫାର୍ମର ବ୍ୟକ୍ତିଗତ ବ୍ୟବହାର ପାଇଁ ଅନ୍ୟବ୍ୟକ୍ତିଙ୍କୁ ଭଡା ଦିଆଯିବା ଉପରେ ଟିକସ ଦେବାକୁ ପଡିବ ନାହିଁ। ଜିଏସଟି ଅଧୀନରେ ପଞ୍ଜିକୃତ ଟେଣ୍ଡାଣ୍ଟମାନେ ବର୍ତ୍ତମାନ ଏକ ସମ୍ପତ୍ତି ଭଡା ପାଇଁ ୧୮ ପ୍ରତିଶତ ଟିକସ ଦେବାକୁ ପଡିବ। ଟିକସ କେବଳ ଜିଏସଟି ପଞ୍ଜିକୃତ ଭଡାଟିଆଙ୍କ ପାଇଁ ଲାଗୁ କରାଯିବ। ସମ୍ପତ୍ତି ମାଲିକ ଜିଏସଟି ଦେବାକୁ ବାଧ୍ୟ ହେବେ ନାହିଁ। ଭାରତୀୟ ଆବାସିକ ସମ୍ପତ୍ତିରୁ ସେବା ପ୍ରଦାନ କରୁଥିବା ଜଣେ ଭଡାଟିଆ ୧୮ ପ୍ରତିଶତ ଜିଏସଟି ଦେବାକୁ ବାଧ୍ୟ ହେବେ। ରିଭର୍ସ ଚାର୍ଜ ମେକାନିଜିମ୍ (ଆରସିଏମ) ଅଧୀନରେ ଜଣେ ଭଡାଟିଆ ଟିକସ ଦେବାକୁ ବାଧ୍ୟ ହେବେ। ଭଡାଟିଆ ଇନପୁଟ ଟ୍ୟାକ୍ସ କ୍ରେଡିଟ ଅଧୀନରେ ଦିଆଯାଇଥିବା ଜିଏସଟିକୁ ରିହାତି ଲାଗି ଦାବି କରିପାରିବେ। ଜିଏସଟି ପଞ୍ଜିକୃତ ଭଡାଟିଆ ଓ କର୍ପୋରେଟ ସଂସ୍ଥା ଏହି ପରିସର ଭୁକ୍ତ ଅଟନ୍ତି। ଥ୍ରେସହୋଲ୍ଡ ସୀମାଠାରୁ ଅଧିକ ବାର୍ଷିକ କାରବାର ବ୍ୟବସାୟ କିମ୍ବା ବୃତ୍ତି କରୁଥିବା ବ୍ୟକ୍ତିଙ୍କ ପାଇଁ ଜିଏସଟି ପଞ୍ଜିକରଣ ବାଧ୍ୟତାମୂଳକ। ନୂତନ ଜିଏସଟି ନିୟମ ଅନୁସାରେ କମ୍ପାନୀ ଓ ବୃତ୍ତିଗତମାନଙ୍କୁ ପ୍ରଭାବିତ କରିବ ଯେଉଁମାନେ ଭଡା କିମ୍ବା ଲିଜ ଉପରେ ଆବାସିକ ସମ୍ପତ୍ତି ନେଇଛନ୍ତି।