(ଦିଲ୍ଲୀ) : ଆପ ନେତା ସଞ୍ଜୟ ସିଂଙ୍କୁ ଏକ ବଡ଼ ଆଶ୍ୱସ୍ତି ମିଳିଛି । ଦିଲ୍ଲୀର ରାଉସ୍ ଆଭେନ୍ୟୁ କୋର୍ଟ ସଞ୍ଜୟ ସିଂଙ୍କୁ ସାଂସଦ ଭାବରେ ଶପଥ ଗ୍ରହଣ କରିବାକୁ ଅନୁମତି ଦେଇଛନ୍ତି । ଫେବୃଆରୀ ୫ରେ ରାଜ୍ୟସଭା ସାଂସଦ ଭାବେ ଶପଥ ଗ୍ରହଣ କରିବାକୁ ସଞ୍ଜୟ ସିଂଙ୍କୁ ଅନୁମତି ମିଳିଛି ।
ସୂଚନାନୁଯାୟୀ , ସଞ୍ଜୟ ସିଂଙ୍କୁ ସକାଳ ୧୦ଟାରେ ସଂସଦକୁ ନେବାକୁ ଜେଲ ଅଧିକାରୀମାନଙ୍କୁ ନିର୍ଦ୍ଦେଶ ଦିଆଯାଇଛି । ଗତ ବର୍ଷ ଅକ୍ଟୋବର ୪ରେ ଇଡି ସିଂଙ୍କୁ ଗିରଫ କରିଥିଲା। ସଞ୍ଜୟ ସିଂ ଗତ ମାସରେ ଦ୍ୱିତୀୟ ଥର ପାଇଁ ଦିଲ୍ଲୀରୁ ରାଜ୍ୟସଭାକୁ ନିର୍ବାଚିତ ହୋଇନଥିଲେ । ବରିଷ୍ଠ ଆପ ନେତା ସଞ୍ଜୟ ସିଂ ଗୁରୁବାର ଦିନ ଦିଲ୍ଲୀର ରାଉସ୍ ଆଭେନ୍ୟୁ କୋର୍ଟରେ ପହଞ୍ଚି ରାଜ୍ୟସଭା ସଦସ୍ୟ ଭାବରେ ଶପଥ ଗ୍ରହଣ କରିବା ପାଇଁ ତଥା ବର୍ତ୍ତମାନର ସଂସଦ ଅଧିବେଶନରେ ଯୋଗଦେବା ପାଇ ଓ ଏକ୍ସାଇଜ୍ ସ୍କାମ ମାମଲାରେ ମଧ୍ୟବର୍ତ୍ତୀକାଳୀନ ଜାମିନ ମାଗିଥିଲେ । ଏହି ଆବେଦନରେ ସଞ୍ଜୟ ସିଂ ୪ରୁ ୧୦ଫେବୃଆରୀ ପର୍ଯ୍ୟନ୍ତ ମଧ୍ୟବର୍ତ୍ତୀକାଳୀନ ଜାମିନ ପାଇଁ ଅନୁରୋଧ କରିଥିଲେ।
