ନାବାଳିକା ଛାତ୍ରୀଙ୍କ ଗଳା କାଟି ହତ୍ୟା

(ମହାଭାରତ, ବାଲୁଗାଁ): ବାଲୁଗାଁ ସ୍ଥିତ ଗଙ୍ଗାନଗର ସ୍ଥିତ ଅଞ୍ଚଳରେ ଏକ ଲୋମହର୍ଷଣକାରୀ ଦୃଶ୍ୟ ଦେଖିବାକୁ ମିଳିଛି । ଘରେ ପଶି ଜଣେ ନାବାଳିକାକୁ ଜଣେ ଦୁର୍ବୃତ୍ତ ଗଳାକାଟି ହତ୍ୟା କରିଛି । ସୂଚନା ଅନୁଯାୟୀ, ଗତ ଶନିବାର ସନ୍ଧ୍ୟାରେ ରାମଚନ୍ଦ୍ର ବେହେରାଙ୍କ ଝିଅ ଶିବାନୀ (୧୭) ଘରେ ପାଠ ପଢୁଥିବା ବେଳେ ମୁଖା ପିନ୍ଧି ହଠାତ ଜଣେ ଦୁର୍ବୃତ୍ତ ଘରକୁ ପସି ଆସିଥିଲେ । ସେହି ସମୟରେ ଘରେ କେହି ପୁରୁଷ ଲୋକ ନଥିବା ଦେଖି ନାବାଳିକାଙ୍କ ବେକରେ ଏକ ଧାରୁଆ ଅସ୍ତ୍ର ଲଗାଇ ଦାଣ୍ଡରୁ ବାରିଆଡ ପର୍ଯ୍ୟନ୍ତ ଟାଣି ନେଇ ଯାଇଥିଲେ । ଏହା ଦେଖି ନାବାଳିକାର ଭାଉଜ ଏହାର ବିରୋଧ କରିଥିଲେ । ଏଥିରେ ଉତକ୍ଷିପ୍ତ ହୋଇ ନାବାଳିକାଙ୍କୁ ଉକ୍ତ ଦୁର୍ବୃତ୍ତ ଧାରୁଆ ଅସ୍ତ୍ରରେ ମାରି ଚାଲିଥିଲା । ଫଳରେ ନାବାଳିକା ଗୁରୁତର ହୋଇ ପଡିଥିଲେ । ତାଙ୍କୁ ଉଦ୍ଧାର କରାଯାଇ ବାଲୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା । ପରେ ଅବସ୍ଥା ସଙ୍କଟାପନ୍ନ ହେବାରୁ ବ୍ରହ୍ମପୁର ଏମକେସିଜି ହସ୍ପିଟାଲକୁ ସ୍ଥାନାନ୍ତର କରାଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଖବର ପାଇ ଘଟଣାସ୍ଥଳରେ ବାଲୁଗାଁ ପୋଲିସ ପହଞ୍ଚି ଘଟଣାର ତଦନ୍ତ ଚଳାଇଛି । ନାବାଳିକାଙ୍କୁ ଏକ ତରଫା ପ୍ରେମ କରୁଥିବା ସେହି ଅଞ୍ଚଳର ଜଣେ ଯୁବକକୁ ଅଟକ ରଖି ପୋଲିସ ପଚରାଉଚରା କରୁଛି ।