କରୋନା ମୁକାବିଲା ପାଇଁ ଦାନ

(ଜଗତସିଂହପୁର, ଦିଲ୍ଲୀପ୍ ସାହୁ): ଦିନକୁ ଦିନ କରୋନା ଭୂତାଣୁ ସଂକ୍ରମଣ ବଢିବାରେ ଲାଗିଛି । କରୋନା ମହାମାରୀକୁ ମୁକାବିଲା ପାଇଁ ଦେଶରେ ୨୧ଦିନିଆ ଲକଡାଉନରେ ସାଧାରଣ ଦରିଦ୍ର ବର୍ଗର ଲୋକ ବିଶେଷ ପ୍ରଭାବିତ ହେଉଛନ୍ତି । କରୋନା ମହାମାରୀକୁ ମୁକାବିଲା ପାଇଁ ଶିଳ୍ପପତି, ଖେଳାଳି, ଅଭିନେତା, ରାଜନେତାଙ୍ ଠାରୁ ଆରମ୍ଭ କରି ବଦାନ୍ୟ ବ୍ୟକ୍ତିମାନେ ସାହାଯ୍ୟର ହାତବଢାଉଛନ୍ତି । ଏହି କ୍ରମରେ ଜଗତସିଂହପୁର ଜିଲ୍ଲାର ତିର୍ତ୍ତୋଲ ବ୍ଲକ ଅଧ୍ୟକ୍ଷା ସୁଜାତା ମହାନ୍ତି ଆଗେଇ ଆସିଛନ୍ତି । ତିର୍ତ୍ତୋଲ ବ୍ଲକ ଅଧ୍ୟକ୍ଷା ସୁଜାତା ମହାନ୍ତି ସରକାରଙ୍କଠାରୁ ପାଉଥିବା ନିଜର ବର୍ଷକର ପାଉଣା ୩୩ହଜାର ଛଅଶହ ଟଙ୍କା ମୁଖ୍ୟମନ୍ତ୍ରୀଙ୍କ ରିଲିଫ ଫଣ୍ଡକୁ ପ୍ରଦାନ କରିଛନ୍ତି । ଜଗତସିଂହପୁର ଜିଲ୍ଲାପାଳ ସଂଗ୍ରାମ କେଶରୀ ମହାପାତ୍ରଙ୍କୁ ଚେକ୍ ଜରିଆରେ ପ୍ରଦାନ କରିଥିଲେ । କରୋନା ମହାମାରୀର ମୁକାବିଲା ପାଇଁ ଗରିବ ଲୋକଙ୍କ ସହାୟତା ନିମନ୍ତେ ଏହି ଅର୍ଥ ପ୍ରଦାନ କରିବା ସହ ଲୋକମାନେ ସରକାରଙ୍କ ଲକଡାଉନ ଘୋଷଣାକୁ ମାନି ଘରେ ରହି ନିଜକୁ ତଥା ଅନ୍ୟମାନଙ୍କୁ ମହାମାରୀ କରୋନା କବଳରୁ ରକ୍ଷାପାଆନ୍ତୁ ବୋଲି ନିବେଦନ କରିଛନ୍ତି।