(ଟୁକୁନା ଖରା/ନବରଙ୍ଗପୁର): ବଜ୍ରାଘାତରେ ଚାଲିଗଲା ୩ ଜଣଙ୍କର ଜୀବନ । ଏଭଳି ଏକ ଘଟଣା ଘଟିଛି ନବରଙ୍ଗପୁର ଜିଲ୍ଲା ଚଟାହାଣ୍ଡି ଗାଁ ନିକଟ ବାଉଁସିୟାଗୁଡ଼ା ଗାଁରେ ।
ସୂଚନା ଅନୁଯାୟୀ ସନ୍ଧ୍ୟା ସମୟରେ ଗାଁର ତିନିଜଣ ସାଙ୍ଗ ସବୁଦିନ ଭଳି ଗତକାଲି ମଧ୍ୟ ପୋଖରୀକୁ ଶୌଚ ହେବାକୁ ଯାଇଥିଲେ । ସେହି ସମୟରେ ପ୍ରବଳ ବର୍ଷା ସହ ବଜ୍ରପାତ ହୋଇଥିଲା । ବଜ୍ରପାତରେ ତିନିଜଣ ଗୁରୁତ୍ୱର ହେବା ପରେ ସମସ୍ତଙ୍କୁ ଗ୍ରାମବାସୀମାନେ ନବରଙ୍ଗପୁର ମେଡିକାଲକୁ ନେଇଥିଲେ। ସେଠାରେ ଡାକ୍ତର ତିନିଜଣଙ୍କୁ ମୃତ ଘୋଷଣା କରିଥିଲେ । ମୃତକ ମାନେ ହେଲେ ଲଳିତ ବିନ୍ଧାଣି, ମତିରାମ ବିନ୍ଧାଣି , କଦମ ହରିଜନ ବୋଲି ଜଣାପଡିଛି । ସମସ୍ତଙ୍କ ବୟସ ପ୍ରାୟ ୧୬ ରୁ ୧୮ ବର୍ଷ ମଧ୍ୟରେ ହୋବ ବୋଲି ସୂଚନା ମିଳିଛି ।୩ ଜଣଙ୍କ ମୃତ୍ୟୁକୁ ନେଇ ଗାଁ ରେ ଶୋକର ଛାୟା ଖେଳିଯାଇଛି।
