ରଥ ନିର୍ମାଣକୁ ନେଇ ରଥଖଳା ଚଳଚଞ୍ଚଳ

(ଜୟନ୍ତ ସେଠି/ ଗୋପ): ରଥ ନିର୍ମାଣକୁ ନେଇ ରଥଖଳା ଚଳଚଞ୍ଚଳ । ରଥ ନିର୍ମାଣରେ ଲାଗିଥିବା ବିଶ୍ବକର୍ମା ମହାରଣାମାନେ ସଙ୍ଗରୋଧରେ ରହିବେ । ଶ୍ରୀମନ୍ଦିର ପ୍ରଶାସନ ପକ୍ଷରୁ ନୀଳାଚଳ ଭକ୍ତ ନିବାସ ଓ ନିଳାଦ୍ରୀ ଭକ୍ତ ନିବାସରେ ଏ ନେଇ ବ୍ୟବସ୍ଥା ହୋଇଛି । ସେଠାରେ ସେମାନଙ୍କ ରହିବା ଖାଇବା ସହ ସ୍ବାସ୍ଥ୍ୟ ସେବା ଶ୍ରୀମନ୍ଦିର ପ୍ରଶାସନ ପକ୍ଷରୁ ଯୋଗାଇ ଦିଆଯିବ । ଏନେଇ ଶ୍ରୀମନ୍ଦିର ଉନ୍ନୟନ ପ୍ରଶାସକ ଅଜୟ କୁମାର ଜେନା ସୂଚନା ଦେଇଛନ୍ତି ଅନ୍ୟପକ୍ଷରେ ରଥ ଖଳାରେ ମଧ୍ୟ ଏକ ମେଡ଼ିକାଲ ଟିମ ମୁତୟନ ରହିବ । ମୋଟ ୪ଟି ମେଡିକାଲ ଟିମ ସ୍ବାସ୍ଥ୍ୟ ପରୀକ୍ଷା ପାଇଁ ରହିବେ । ସେହିପରି ରଥଖଳାର ୨ ଶହ ଫୁଟ ଯାଏ ନିଷେଧାଞ୍ଚଳ କରାଯାଇଛି । କୌଣସି ଲୋକ ସେଠାରେ ଏକାଠି ହୋଇ ପାରିବେ ନାହିଁ । ରଥ ଖଳାକୁ ଚାରିପଟୁ ଧଳା କପଡା ଦିଆଯାଇ ଘେରାଯାଇଛି । ଯେପରି କୌଣସି କାର୍ୟ୍ୟର ଦୃଶ୍ୟ ବାହାର ଲୋକ ନ ଦେଖି ପାରିବେ ସେ ନେଇ ବ୍ୟବସ୍ଥା ହୋଇଛି । ରଥ ନିର୍ମାଣରେ ଲାଗିଥିବା ସେବକ ଓ ଶ୍ରୀମନ୍ଦିର ପ୍ରଶାସନର କିଛି କର୍ମଚାରୀ କେବଳ ରଥଖଳାକୁ ଯାଇପାରିବେ । ସେହିପରି ଆଗାମୀ ଦିନରେ ମଧ୍ୟ ଶ୍ରୀମନ୍ଦିରରେ ବିଭିନ୍ନ ନୀତିକାନ୍ତି ଥିବାରୁ ନିୟୋଜିତ ହେବାକୁ ଥିବା ସେବାୟତଙ୍କ କୋରୋନା ଟେଷ୍ଟ କରାଯିବ । ଏ ନେଇ ସେବାୟତମାନେ ମଧ୍ୟ ସହମତି ପ୍ରକାଶ କରିଥିବା ଜଣାପଡିଛି । ଅନ୍ୟପଟେ ରଥ ର ତୁମ୍ଭ ହଣା କାର୍ୟ୍ୟ ଜାରି ରହିଛି। ସେହିପରି ରୂପକାର ସେବା ଗୁଜ କାର୍ୟ୍ୟ ମଧ୍ୟ ଆଗେଇ ନେଉ ଛନ୍ତି।